पेपरफुटी सुरूच! टीईटी पेपर फोडणाऱ्या ९ जणांना अटक 

राज्यभरामध्ये शिक्षक TET पात्रता परीक्षा सुरू आहे. काल संपूर्ण राज्यभरामध्ये शिक्षक (TET) पात्रता परीक्षा घेण्यात आली. या परीक्षेचा पेपर फोडण्याच्या तयारीत असणाऱ्या टोळीचा पर्दाफाश झाला असून मुरगुड पोलीस व स्थानिक गुन्हे अन्वेषण च्या पथकाने नऊ जणांना ताब्यात घेतले आहे.

पेपरफुटी सुरूच! टीईटी पेपर फोडणाऱ्या ९ जणांना अटक 

एज्युवार्ता न्यूज नेटवर्क 

महाराष्ट्र राज्य परिक्षा परिषदेच्या (Maharashtra State Examination Council) वतीने रविवार दि. २३ नोव्हेंबर रोजी घेण्याची आलेली टीईटी परीक्षा चांगलीच चर्चेत आली. कारण या परीक्षेने पुन्हा एकदा पेपरफुटी सत्र सुरू असल्याची जाणीव करून दिली. काल झालेल्या टीईटी परीक्षेचा (TET Exam 2025) एका टोळीकडून पेपर फोडण्यारचा प्रयत्न झाला. या टोळीतील ९ जणांना पोलिसांनी ताब्यात (Paper-smashing gang arrested)  घेतले आहे. मात्र, आता अनेक प्रश्न निर्माण झाले आहेत. ही घेण्यात आलेली परीक्षा पारदर्शक झाली का नाही? याबाबद शंका व्यक्त करण्यात येत आहेत. 

राज्यभरामध्ये शिक्षक TET पात्रता परीक्षा सुरू आहे. काल संपूर्ण राज्यभरामध्ये शिक्षक (TET) पात्रता परीक्षा घेण्यात आली. या परीक्षेचा पेपर फोडण्याच्या तयारीत असणाऱ्या टोळीचा पर्दाफाश झाला असून मुरगुड पोलीस व स्थानिक गुन्हे अन्वेषण च्या पथकाने नऊ जणांना ताब्यात घेतले आहे. सदरच्या टोळीची व्याप्ती फार मोठी असण्याची शक्यता असून मुरगुड पोलीस या घटनेचा अत्यंत गांभीर्याने तपास करत आहेत.

काल राज्यभरात शिक्षक पात्रता परीक्षेसाठी लाखो परीक्षार्थी शिक्षक परीक्षेत समाविष्ट झाले होते. अनेक केंद्रावरती ही परीक्षा अत्यंत सुरळीतपणे पार पडली. पण कोल्हापूर जिल्ह्यामध्ये मात्र हा पेपरच फोडण्याचा प्रयत्न झाल्याने शिक्षण क्षेत्रात गोंधळ उडाला आहे. ताब्यात घेतलेल्या आरोपीमध्ये काही शाळेतील परीक्षार्थी शिक्षकांचाही सहभाग असून हे सर्व आरोपी कागल तालुक्यातील सोनगे येथून पोलिसांनी ताब्यात घेतले आहेत. काल सायंकाळपासून रात्रभर पोलीस या घटनेचा तपास करत असून अजूनही संशयित आरोपींची संख्या वाढण्याची शक्यता नाकारता येत नसल्यचा अंदाज वर्तवण्यात येत आहे.