दहावी-बारावीतील विद्यार्थ्यांच्या हाॅल तिकिट'वर झालेल्या चुका करता येणार दुरूस्ती

एज्युवार्ता न्यूज नेटवर्क 

दहावी-बारावीतील फेब्रुवारी-मार्च २०२५ या परीक्षेला (10th-12th February-March 2025 Exams) बसणाऱ्या विद्यार्थ्यांच्या हाॅल तिकिटवर काही चुका झाल्या असतील तर त्या शाळांमार्फत दुरूस्त करता येणार (Errors on the hall ticket can be corrected) आहेत. यामध्ये विद्यार्थ्याचे नाव / आईचे नाव / जन्म दिनांक / प्रवर्ग इत्यादी दुरुस्त्या ऑनलाईन पध्दतीने नोंद करता येणार असून त्यासाठी आकारण्यात येणारा शुल्क देखील ऑनलाईन पद्धतीनीच भरायचा आहे.

विषय/माध्यमांच्या काही चुका असतील तर त्या पूर्वीप्रमाणे प्रचलीत पध्दतीने विभागीय मंडळात प्रत्यक्ष संपर्क साधून दुरुस्त्या कराव्यात, असे महाराष्ट्र राज्य माध्यमिक व उच्च माध्यमिक शिक्षण मंडळाकडून सुचित करण्यात आले आहे. त्यासाठी शाळा कनिष्ठ महाविद्यालयांना Admit Card Corretions ही लिंक उपलब्ध करून देण्यात आलेली असून त्याद्वारे Corrections करुन ऑनलाईन शुल्क भरून मंडळाकडे मान्यतेसाठी पाठवायच्या आहेत. ज्या दुरुस्त्यांना "Send To Board" असे Status प्राप्त झालेले आहे. अशाच दुरुस्त्या विहीत शुल्कास मंडळाकडे पाठविल्या आहेत असे ग्राह्य धरण्यात येणार असल्याचे स्पष्ट करण्यात आले आहे. 

मंडळ स्वरावर Desk 1 Final Authority या User ला जिल्हा / तालुक्याचा Scope देण्यात येऊन त्याच्या Login Id मधून दुरुस्त्या मान्यतेची कार्यवाही करावयाची आहे. दुरुस्ती मान्यता झाल्यानंतर सदर विद्यार्थ्यांचे सुधारीत हाॅल तिकिट "Correction Admit Card" या Option व्दारे शाळा/कनिष्ठ महाविद्यालयाला उपलब्ध होतील, हाॅल तिकिटमधील दुरुस्त्या वरील प्रमाणे करण्याच्या सूचना शिक्षण मंडळाने शाळांना दिल्या आहेत.