पदवीधरांना नोकरीची संधी! पंजाब नॅशनल बँकेत ५१२८ जागांसाठी भरती प्रक्रिया सुरू

एज्युवार्ता न्यूज नेटवर्क

नोकरीच्या शोधात असलेल्या तरुणांसाठी महत्त्वाची अपडेट समोर आली आहे. पंजाब नॅशनल बँक अंतर्गत 'अप्रेंटिस' (Punjab National Bank Apprentice Recruitment) पदाची एकूण 5 हजार 138 रिक्त जागा (5,138 vacant positions) भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. इच्छुक आणि पात्र उमेदवारांना पीएनबी बँकेचे अधिकृत संकेतस्थळ https://pnb.bank.in/ वर जाऊन ऑनलाईन पद्धतीने अर्ज भरायचा आहे. अर्ज करण्याची शेवटची तारीख २४ फेब्रुवारी (The last date to apply is February 24) २०२६ आहे.

हेही वाचा - मुंबईच्या महापौर पदी घोषणा करण्यात आलेल्या रितू तावडे यांचे शिक्षण आणि शैक्षणिक कार्य

जाहिरातीत दिलेल्या माहितीनुसार, पंजाब नॅशनल बँकेत एकूण ५ हजार १३८ अप्रेंटिस भरण्यत येत आहेत. अर्ज प्रक्रिया उद्या रविवार दि. ८ फेब्रुवारी २०२६ आहे आणि शेवटची तारीख २४ फेब्रुवारी २०२६ आहे. पीएनबी अप्रेंटिस भरतीची लेखी परीक्षा १ मार्च २०२६ रोजी घेतली जाणार असल्याचे सांगण्यात आले आहे. 

या भरती प्रक्रियेत सहभागी होण्यासाठी मान्यताप्राप्त विद्यापीठातून पदवीधर पदवी आवश्यक आहे. तुम्ही ज्या पदासाठी अर्ज करत आहात त्या पदाची स्थानिक भाषा तुम्हाला वाचता, लिहिता आणि बोलता येणे आवश्यक आहे. किमान वयोमर्यादा २० वर्षे आणि कमाल वय २८ वर्षे असावी. वय १ जानेवारी २०२६ पासून मोजले जाईल. राखीव श्रेणी वयोमर्यादा शिथिल करण्यास पात्र असू शकतात. त्यांना नियमांनुसार वय सूट मिळेल.

पंजाब नॅशनल बँकेत अप्रेंटिस पदांसाठी अर्ज करणाऱ्या पात्र उमेदवारांना ऑनलाइन पद्धतीने अर्ज शुल्क भरावा लागेल. सर्वसाधारण उमेदवारांसाठी ९४४ अर्ज शुल्क आहे. ओबीसी किंवा ईडब्ल्यूएस उमेदवारांसाठी ७०८ रुपये आहे. एससी, एसटी किंवा पीडब्ल्यूबीडी श्रेणींसाठी २३६ रु. आहे तर ट्रान्सजेंडर व्यक्तींसाठी देखील २३६ रु परीक्षा शुल्क आहे.

निवड प्रक्रियेत लेखी परीक्षा, कागदपत्रांची पडताळणी, स्थानिक भाषा चाचणी आणि वैद्यकीय चाचणी यांचा समावेश असेल. या निवड प्रक्रियेत उत्तीर्ण होणाऱ्या उमेदवारांची अप्रेंटिसशिप पदासाठी निवड केली जाईल. पंजाब नॅशनल बँकेच्या अप्रेंटिसशिपसाठी निवड झालेल्या उमेदवारांना एक वर्षाचे प्रशिक्षण दिले जाईल. या कालावधीत, ग्रामीण, अर्ध-ग्रामीण किंवा शहरी भागातील अप्रेंटिसना मासिक १२ हजार ३०० रुपये वेतन मिळेल. महानगरांमध्ये, अप्रेंटिसची रक्कम १५ हजार दिले जाणार आहे.