विद्यार्थी, शिक्षकांची बायोमॅट्रीक उपस्थिती तात्काळ पाठवा; अन्यथा वेतन अनुदान रोखणार

एज्युवार्ता न्यूज नेटवर्क 

राज्यातील अनुदानास पात्र शाळांमधील शिक्षक, शिक्षकेत्तर कर्मचारी आणि विद्यार्थी यांची उपस्थिती तात्काळ बायोमॅट्रीक (Implement biometric system immediately) अथवा चेहरा ओळख (Face Recognition) प्रणालीद्वारे नोंदवण्याचे निर्देश माध्यमिक शिक्षणाधिकारी डाॅ. भाऊसाहेब कारेकर (Secondary Education Officer Dr. Bhausaheb Karekar) यांनी दिले आहेत. तसेच बायोमॅट्रीक प्रणाली अथवा चेहरा ओळख प्रणालीद्वारे उपस्थितीची अट पूर्ण करण्यासाठी सर्व अंशतः अनुदानित शाळांना देण्यात आलेल्या मुदतीचे पालन न करणाऱ्या शाळांचे वेतन अनुदान रोखून ठेवण्यात येईल, असा इशाराही देण्यात आला आहे. 

शाळांना बायोमॅट्रीक प्रणालीची सर्व माहिती देण्यात आली असून त्या अनुषंगाने काही अडचणी किंवा समस्या असल्यास त्याची माहिती माध्यमिक शिक्षण विभाग पुणे या कार्यालयास १३ जानेवारीपर्यंत सादर करावी. मुख्याध्यापक, शिक्षक व शिक्षकेतर कर्मचारी यांचे सप्टेंबर व डिसेंबर २०२४ चे बायोमॅट्रीक प्रणाली अथवा चेहरा ओळख प्रणालीद्वारे उपस्थितीचा रिपोर्ट, शाळेतील विद्यार्थ्यांचे सप्टेंबर व डिसेंबर २०२४ चे बायोमॅट्रीक प्रणाली अथवा चेहरा ओळख प्रणालीद्वारे उपस्थितीचा रिपोर्ट सादर सादर करावा,असे स्पष्ट निर्देश पुणे विभागीय शिक्षण उपसंचालक व पुणे जिल्हा परिषदेचे माध्यमिक शिक्षण अधिकारी डॉ.  भाऊसाहेब कारेकर यांनी दिले आहेत. 

अनुदान पात्र शाळांतील विद्यार्थ्याची माहिती (data) विद्या समिक्षा केंद्र या प्रणालीवर upload करण्यात आली आहे का ? बाबत अहवाल सादर करावा. शाळेतील विद्यार्थ्यांचे आधार कार्ड संलग्नित "अपार आयडी (APAARID) कार्यान्वित करण्यात आले आहेत का? बाबत अहवाल सादर करावा. दरम्यान, सर्व माहिती परिपूर्ण यादीसह विहित मुदतीत प्राप्त न झाल्यास संबधित शाळा/तुकडी अनुदानापासून वंचित राहिल्यास त्याची सर्वस्वी जबाबदारी संस्था/मुख्याध्यापक यांची राहील, अशा सुचना देण्यात आल्या आहे.