‘आवर्त सारणी’ही दहावीच्या अभ्यासक्रमातून हद्दपार; वाद निर्माण होण्याची शक्यता
दहावीच्या विद्यार्थ्यांना आता रसायनशास्त्रामध्ये आवर्त सारणी शिकता येणार नाही. जे विद्यार्थी अकरावी व बारावीमध्ये रसायनशास्त्र विषय घेतील, त्यांनाच आवर्त सारणीचे धडे गिरवता येणार आहेत.
eduvarta@gmail.com 
एज्युवार्ता न्यूज नेटवर्क
राष्ट्रीय शैक्षणिक संशोधन व प्रशिक्षण परिषदेने (NCERT) नुकताच नववी व दहावीच्या विज्ञानाच्या पाठ्युपस्तकातून (Science Textbook) डार्विनचा उत्क्रांतीवादाचा सिध्दांत (Charles Darwin's Theory Of Evolution) काढून टाकण्याचा निर्णय घेतला होता. त्यावरून बराच वादही झाला. आता दहावीच्या पुस्तकातून आवर्त सारणी (Periodic Table) हद्दपार करण्यात आली आहे. त्यामुळे हा निर्णयही वादात अडकण्याची चिन्हे आहेत. (NCERT Syllabus)
कोरोना महामारीच्या काळात एनसीईआरटीने विद्यार्थ्यांवरील अभ्यासाचा ताण कमी करण्यासाठी तात्पुरत्या स्वरुपात काही धडे वगळले होते. पण आता हे धडे कायमचेच वगळण्यात आले आहेत. पाठ्यपुस्तकांमधून महत्वाचे भाग वगळले जात असल्याने शास्त्रज्ञ व शिक्षकांकडून तीव्र नाराजी व्यक्त केली जात आहे.
देशातील ४० वैद्यकीय महाविद्यालयांची मान्यता रद्द; आणखी १५० रडारवर, महाराष्ट्रात कोणती?
दहावीच्या विद्यार्थ्यांना आता रसायनशास्त्रामध्ये आवर्त सारणी शिकता येणार नाही. जे विद्यार्थी अकरावी व बारावीमध्ये रसायनशास्त्र विषय घेतील, त्यांनाच आवर्त सारणीचे धडे गिरवता येणार आहेत. याबाबत ‘इंडिया टुडे’ने वृत्त दिले आहे.
भारतामध्ये दहावीपर्यंतच विद्यार्थ्यांना विज्ञान हा विषय बंधनकारक आहे. एनसीईआरटीने दहावीच्या विज्ञानाच्या पुस्तकातील आवर्त सारणीचा पाचवा धडा वगळला आहे. आवर्त सारणीने रसायनशास्त्र शिक्षणाचा पाया मजबूत होतो, असे शिक्षकांचे म्हणणे आहे.
मोठी बातमी : दहावीचा निकाल २ जून रोजी; राज्य मंडळाने केली अधिकृत घोषणा
एनसीईआरटीने कोरोना काळात इयत्ता सहावी ते बारावीच्या पाठ्यपुस्तकांतील जवळपास ३० टक्के भाग वगळला होता. विद्यार्थ्यांच्या डोक्यावरील अभ्यासाचे ओझे कमी करण्यासाठी तात्पुरत्या स्वरुपात हा निर्णय घेतल्याचे सांगितले जात होते. पण आता हा भाग कायमस्वरुपी वगळला जात आहे.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
