राष्ट्रीय, आंतरराष्ट्रीय खेळांमध्ये सहभागी विद्यार्थ्यांची CBSE घेणार विशेष परीक्षा
ज्या विद्यार्थ्यांच्या सीबीएसई बोर्ड परीक्षेच्या तारखा भारतीय क्रीडा प्राधिकरण किंवा बोर्ड ऑफ क्रिकेट कंट्रोल इन इंडियाद्वारे मान्यताप्राप्त क्रीडा स्पर्धांसोबत येत आहेत, त्यांना या तरतुदीचा फायदा होणार आहे.
eduvarta@gmail.com 
एज्युवार्ता न्यूज नेटवर्क
डिसेंबर २०२४ ते जानेवारी २०२५ दरम्यान होणाऱ्या राष्ट्रीय आणि आंतरराष्ट्रीय खेळांच्या स्पर्धा (National and international sports competitions) तसेच. ऑलम्पिकमध्ये सहभागी होणाऱ्या विद्यार्थ्यांसाठी सीबीएसईकडून (CBSE) विशेष परीक्षांचे आयोजन (Organizing special exams) केले जाणार आहे. विद्यार्थ्यांना शिक्षण आणि क्रीडा क्षेत्रामधील सुवर्णमध्य साधण्यासाठी ही विशेष सोय करण्यात आली आहे. या स्पर्धांसाठी आवश्यक असलेल्या प्रवासाच्या तारखाही समाविष्ट आहेत. हे धोरण आंतरराष्ट्रीय ऑलिम्पियाडमध्ये तसेच खेळांच्या स्पर्धांमध्ये सहभागी विद्यार्थ्यांसाठी आहे.
शैक्षणिक नुकसान टळणार
सीबीएसईचा हा निर्णय भारताच्या युवा खेळाडूंना प्रोत्साहन देण्याच्या अनुषंगाने घेतला आहे. या तरतुदीमुळे बोर्डाच्या परीक्षेदरम्यान क्रीडा किंवा शैक्षणिक क्षेत्रात प्राविण्य मिळवणाऱ्या विद्यार्थ्यांची गैरसोय होणार नाही. कोणत्याही विद्यार्थ्यांचे देशासाठी प्रतिनिधित्व केल्यामुळे शैक्षणिक नुकसान होणार नाही, याची काळजी या धोरणामुळे घेतली गेली आहे. अधिक माहितीसाठी विद्यार्थ्यांनी शाळांशी संपर्क साधावा तसेच सीबीएसईच्या अधिकृत वेबसाइटला भेट द्यावी, असे सीबीएसईने आवाहन केले आहे.
