मेडीकल कॉलेजच्या संख्येत देशात 102 टक्के वाढ ; तर महाराष्ट्रात दुपटीने वाढ
उत्तर प्रदेशानंतर महाराष्ट्रातील वैद्यकीय महाविद्यालयांमध्ये सर्वाधिक वाढ झाली आहे. राज्यातील महाविद्यालयांची संख्या 44 वरून 80 झाली. राज्याने एमबीबीएसच्या जागांची क्षमता एका दशकापूर्वी 5,590 वरून 11,845 पर्यंत वाढवली आहे.
eduvarta@gmail.com 
एज्युवार्ता न्यूज नेटवर्क
भारतातील वैद्यकीय शिक्षणात गेल्या 10 वर्षांत लक्षणीय वाढ झाली आहे. आरोग्य आणि कुटुंब कल्याण मंत्रालयाने राज्यसभेत दिलेल्या महितीनुसार, (According to the information given in the Rajya Sabha by the Ministry of Health and Family Welfare) 2013-14 मध्ये वैद्यकीय महाविद्यालयांची संख्या 387 होती, जी 2024-25 मध्ये दुप्पट होऊन 780 झाली आहे. (The number of medical colleges was 387, which has doubled to 780 in 2024-25) या संख्येत 102 टक्के वाढ झाली आहे. 2013-14 ते 2024-25 या कालावधीत एमबीबीएसच्या जागाही 51 हजार 348 वरून 1,18,137 पर्यंत वाढल्या (MBBS seats also increased from 51,348 to 1,18,137) म्हणजे या जागांमध्ये 130 टक्क्यांनी वाढ झाली आहे
वैद्यकीय महाविद्यालयांच्या संख्येत सर्वाधिक वाढ उत्तर प्रदेशात झाली आहे. राज्यात आता 86 वैद्यकीय महाविद्यालये आहेत, जी 2014 मध्ये 30 होती. वैद्यकीय जागांमध्ये सर्वाधिक वाढ होण्याच्या बाबतीतही उत्तर प्रदेश आघाडीवर आहे. 2014 मध्ये 3,749 जागा होत्या. त्या आता 12,425 जागा झाल्या आहेत.
उत्तर प्रदेशानंतर महाराष्ट्रातील वैद्यकीय महाविद्यालयांमध्ये सर्वाधिक वाढ झाली आहे. राज्यातील महाविद्यालयांची संख्या 44 वरून 80 झाली. राज्याने एमबीबीएसच्या जागांची क्षमता एका दशकापूर्वी 5,590 वरून 11,845 पर्यंत वाढवली आहे.तर 2014 मध्ये मेडिकल कॉलेज नसलेल्या तेलंगणात आता 65 महाविद्यालये आहेत. राज्यात एमबीबीएसच्या 9,040 जागा आहेत.
याशिवाय, अंदमान आणि निकोबार बेटे, अरुणाचल प्रदेश, दादरा आणि नगर हवेली, मिझोराम आणि नागालँडमध्ये प्रत्येकी एक वैद्यकीय महाविद्यालय स्थापन करण्यात आले आहे. विशेष म्हणजे 2013-14 मध्ये ही राज्ये आणि केंद्रशासित प्रदेशांमध्ये (UTs) वैद्यकीय महाविद्यालये नव्हती.
राजस्थानमध्येही लक्षणीय वाढ दिसून आली. राज्यातील महाविद्यालयांची संख्या 2013-14 मध्ये 10 होती ती आता 43 झाली आहे. तर राज्यातील एकूण जागांची संख्या 1,750 वरून 6,475 झाली आहे. मध्य प्रदेशमध्ये, महाविद्यालयांची संख्या 12 महाविद्यालये (1,700 जागा) वरून 31 महाविद्यालये (5,200 जागा) पर्यंत वाढली आहे, तर छत्तीसगडमध्ये, महाविद्यालयांची संख्या पाच महाविद्यालये (600 जागा) वरून 16 महाविद्यालये (2,455 जागा) झाली आहे.
दिल्लीत आणखी तीन महाविद्यालये जोडण्यात आली असून, वैद्यकीय महाविद्यालयांची संख्या सातवरून १० झाली आहे. तर एमबीबीएसच्या जागा 900 वरून 1,497 पर्यंत वाढल्या आहेत. कर्नाटकातील वैद्यकीय महाविद्यालयांची संख्या 46 वरून 73 पर्यंत वाढली आहे, तर तामिळनाडूमध्ये एमबीबीएसच्या जागा 6,215 वरून 12,050 पर्यंत वाढल्या आहेत.
