भारतीय सैन्यात भरती होण्याची मोठी संधी, इंडियन नेव्हीमध्ये अग्निवीर पदांसाठी भरती जाहीर

एज्युवार्ता न्यूज नेटवर्क

भारतीय सैन्यात भरती होण्यास इच्छुक असलेल्या तरूणांसाठी महत्त्वाची अपडेट समोर आली आहे. इंडियन नेव्हीमध्ये (Indian Navy Recruitment) विविध पदांच्या भरती प्रक्रियेसाठी जाहिरात प्रसिद्ध (Advertisement published) करण्यात आली आहे. चालू वर्षात भारतीय नेव्हीने अग्नीवर योजनेअंतर्गत ( agniveer scheme) विविध पदांसाठी मोठी भरतीची घोषणा केली आहे. यात अग्नीवीर SSR, अग्नीवीर MR आणि SSR (Medical) या पदांसाठी समावेश आहे. 

या भरती प्रक्रियेसाठी १४ मार्च २०२६ रोजी पासून अर्ज प्रक्रिया सुरू होणार आहे. इच्छुक आणि पात्र उमेदवार भारतीय नेव्हीचे अधिकृत संकेतस्थळ www.joinindiannavy.gov.in वर जाऊन अर्ज प्रक्रिया पूर्ण करू शकतात. अर्ज करण्याची अंतिम मुदत ६ एप्रिल २०२६ आहे. शेवटच्या टप्प्यात येणाऱ्या तांत्रिक अडचणी लक्षात घेऊन उमेदवारांनी आपला अर्ज वेळेआधी पुर्ण करण्याचे आवाहन करण्यात आले आहे.  अर्जात बदल करण्यासाठी १० आणि ११ एप्रिल २०२६ रोजी दोन दिवसांची सुधारणा विंडो उपलब्ध करून देण्यात येणार असल्याचे सांगितले आहे. 

शैक्षणिक पात्रता

अग्निवीर एमआर पदासाठी उमेदवाराने दहावी उत्तीर्ण असणे आवश्यक आहे आणि किमान ५०% गुण असणे आवश्यक आहे. अग्निवीर एसएसआर पदासाठी बारावी विज्ञान (गणित आणि भौतिकशास्त्र) मध्ये ५०% गुण असणे आवश्यक आहे. तसेच, ३ वर्षांचा डिप्लोमा असलेले उमेदवार देखील अर्ज या पदासाठी करू शकतील, तसेच उमेदवाराला किमान गुण ५०% किंवा त्याहून अधिक गुण असणे आवश्यक आहे. एसएसआर (वैद्यकीय) पदासाठी बारावी भौतिकशास्त्र, रसायनशास्त्र आणि जीवशास्त्रात किमान ५०% गुण असणे आवश्यक आहे. पदानुसार वयोमर्यादा बदलू शकते; यासाठी अधिकृत सूचना पाहणे आवश्यक आहे. या भरती प्रक्रियेत सहभागी होण्यासाठी सर्व उमेदवारांना ५५० रुपये परीक्षा शुल्क आकारण्यात आला आहे.