पदवीधरांना इस्रोमध्ये काम नोकरी करण्याची मोठी संधी; 336 पदांची मेगा भरती सुरू 

एज्युवार्ता न्यूज नेटवर्क 

 भारतीय अंतराळ संशोधन संस्थेत (ISRO) नोकरीचे स्वप्न पाहणाऱ्या युवकांसाठी आनंदाची बातमी आहे. इस्रोने विविध पदांसाठी एकूण ३३६ रिक्त जागांची भरती (Recruitment for 336 vacancies) जाहीर केली आहे. या भरतीमुळे पदवीधर उमेदवारांना (Graduate candidates)  सरकारी नोकरीची (Govt job) उत्तम संधी उपलब्ध झाली आहे. इच्छुक आणि पात्र उमेदवारांनी इस्रोच्या अधिकृत वेबसाइटवर जाऊन ऑनलाइन पद्धतीने अर्ज करावा. अर्ज स्वीकारण्याची अंतिम तारीख १६ ऑगस्ट २०२६ (Deadline16 August 2026) आहे. या संधीचा लाभ घेण्यासाठी उमेदवारांनी वेळेवर अर्ज प्रक्रिया पूर्ण करणे आवश्यक आहे.

या भरतीअंतर्गत असिस्टंट पदासाठी ११३ जागा, ज्युनियर पर्सनल असिस्टंटसाठी ८१ जागा, उच्च श्रेणी लिपिक पदाच्या २२ जागा आणि स्टेनोग्राफर पदासाठी १० जागा आहेत. याशिवाय स्वायत्त संस्थांमध्ये असिस्टंटसाठी १७ आणि ज्युनियर पर्सनल असिस्टंटसाठी १ जागा समाविष्ट आहे. या सर्व पदांवर पात्र उमेदवारांची निवड होणार आहे. इस्रोसारख्या प्रतिष्ठित संस्थेत काम करण्याची संधी अनेक तरुणांसाठी प्रेरणादायी ठरू शकते.

शैक्षणिक पात्रतेबाबत असिस्टंट आणि उच्च श्रेणी लिपिक पदांसाठी किमान ६० टक्के गुणांसह कोणत्याही शाखेतील पदवी तसेच संगणक वापराचे ज्ञान आवश्यक आहे. ज्युनियर पर्सनल असिस्टंट आणि स्टेनोग्राफर पदांसाठी ६० टक्के गुणांसह पदवी किंवा कमर्शियल/सेक्रेटेरियल प्रॅक्टिसमधील ६० टक्के गुणांसह डिप्लोमा, स्टेनो-टायपिस्ट किंवा स्टेनोग्राफर म्हणून एक वर्षाचा अनुभव, इंग्रजी स्टेनोग्राफीचा ६० शब्द प्रति मिनिट वेग आणि संगणक ज्ञान अटी आहेत. वयोमर्यादा १६ ऑगस्ट २०२६ रोजी १८ ते २८ वर्षे असावी. सरकारी नियमांनुसार आरक्षित प्रवर्गातील उमेदवारांना वयात सवलत मिळेल.

अर्ज शुल्क ५०० रुपये आहे. उमेदवारांनी अधिकृत वेबसाइटवरून संपूर्ण अधिसूचना काळजीपूर्वक वाचावी आणि आवश्यक कागदपत्रे तयार ठेवावीत. पात्रता, अनुभव आणि इतर अटी पूर्ण करणाऱ्यांनीच अर्ज करावा. या मेगा भरतीमुळे अनेक पदवीधरांना इस्रोसारख्या अग्रगण्य संस्थेत करिअर घडवण्याची संधी मिळणार आहे. इच्छुकांनी अंतिम तारखेपूर्वी अर्ज प्रक्रिया पूर्ण करावी.