कोकण रेल्वेत नोकरीची सुवर्णसंधी! विविध पदांसाठी भरती प्रक्रिया सुरू; प्रकल्पग्रस्त आणि भूमिपुत्रांना विशेष प्राधान्य

एज्युवार्ता न्यूज नेटवर्क

कोकण रेल्वे कॉर्पोरेशन लिमिटेडने (केआरसीएल) विविध विभागांतील एकूण २०२ रिक्त पदांसाठी भरती (Recruitment for 202 vacant posts) अधिसूचना जारी (Notification issued) केली आहे. यात ज्युनिअर इंजिनिअर, स्टेशन मास्तर, असिस्टंट लोको पायलट, ट्रॅक मेंटेनर यांसारख्या महत्त्वाच्या पदांचा समावेश (Inclusion of key positions) आहे. इच्छुक उमेदवारांना ऑगस्ट २०२६ च्या शेवटच्या आठवड्यापासून www.konkanrailway.com या अधिकृत संकेतस्थळावर जाऊन ऑनलाईन अर्ज करता येणार आहे. या भरतीत प्रकल्पग्रस्त आणि भूमिपत्र असलेल्या उमेदवारांना विशेष प्राधान्य (Special priority for project-affected candidates) देण्यात आले आहे.

ट्रॅक मेंटेनरची सर्व ५७ पदे केवळ प्रकल्पग्रस्त उमेदवारांसाठी राखीव आहेत. निवडीसाठी प्राधान्यक्रम निश्चित करण्यात आला आहे. प्रथम प्राधान्य कोकण रेल्वे प्रकल्पासाठी जमीन दिलेल्या प्रकल्पग्रस्त उमेदवारांना, द्वितीय प्राधान्य रायगड, रत्नागिरी, सिंधुदुर्ग, गोवा, उत्तर कन्नड, उडुपी व दक्षिण कन्नड जिल्ह्यांच्या रोजगार कार्यालयात नोंदणीकृत उमेदवारांना आणि तृतीय प्राधान्य महाराष्ट्र, गोवा व कर्नाटक राज्यातील अधिवास धारक तसेच केआरसीएलमधील नियमित कर्मचाऱ्यांना दिले जाईल.

भरतीत सिनियर सेक्शन इंजिनिअर ११, ज्युनिअर इंजिनिअर ३२, सेक्शन कंट्रोलर ९, स्टेशन मास्तर १५, कमर्शियल सुपरवायझर ७, गुड्स ट्रेन मॅनेजर १०, असिस्टंट लोको पायलट ३०, तंत्रज्ञ ३० आणि ट्रॅक मेंटेनर ५७ अशा एकूण २०२ जागा आहेत. वयोमर्यादा १ ऑगस्ट २०२६ रोजी गट ‘क’ पदांसाठी १८ ते ३६ वर्षे आणि ट्रॅक मेंटेनरसाठी १८ ते ४५ वर्षे आहे. SC/ST उमेदवारांना ५ वर्षे तर OBC (NCL) उमेदवारांना ३ वर्षांची सूट मिळेल. शैक्षणिक पात्रता पदांनुसार दहावी, ITI, डिप्लोमा, बीई/बीटेक किंवा पदवी आवश्यक आहे.

अर्ज शुल्क सामान्य व इतर प्रवर्गासाठी १,१८० रुपये (१००० + १८ टक्के जीएसटी) आहे. SC/ST, महिला, माजी सैनिक, दिव्यांग, अल्पसंख्याक आणि EBC उमेदवारांना परीक्षा दिल्यानंतर नियमानुसार शुल्क बँक शुल्क वजा करून परत केले जाईल. अधिक तपशीलासाठी उमेदवारांनी केआरसीएलच्या अधिकृत संकेतस्थळाची भेट घ्यावी.