सहावीच्या विद्यार्थिनीकडून बोर्डाच्या उत्तरपत्रिका तपासणी प्रकरणी शिक्षकावर कारवाई; पेपर,मानधन जप्त 

एज्युवार्ता न्यूज नेटवर्क 

महाराष्ट्र राज्य माध्यमिक व उच्च माध्यमिक शिक्षण मंडळाच्या इयत्ता दहावीच्या मराठी विषयाच्या उत्तर पत्रिका सहावीच्या विद्यार्थिनीने तपासल्याची बाब समोर आली होती. राज्य मंडळाने केलेल्या चौकशीमध्ये सहावीच्या विद्यार्थिनीने उत्तर पत्रिका वरील कोऱ्या पानांवर रेषा मारल्याचे समोर आले आहे. परंतु उत्तर पत्रिका विद्यार्थ्यांना हाताळण्यास देऊन शिक्षक वैभव शेंडे यांनी गोपनीयतेचा भंग केला आहे. त्यामुळे उत्तर पत्रिका तपासणीचे संपूर्ण मानधन जप्त करण्यात आले असून सर्व उत्तर पत्रिका नियमकानमार्फत ताब्यात घेण्यात आल्या आहेत, असे कोल्हापूर विभागीय शिक्षण मंडळाचे अध्यक्ष राजेश क्षीरसागर यांनी कळविले आहे.

कोल्हापूर विभागातील सातारा जिल्ह्यातील फलटण येथील मी का शाळेत शिक्षक सहावीच्या विद्यार्थ्यांनी कडून उत्तरपत्रिका तपासून घेत असल्याचा व्हिडिओ समाज माध्यमांवर व्हायरल झाला होता. याप्रकरणी सर्व तपासणी करून विभागीय मंडळाने सीसीटीव्ही फुटेज ताब्यात घेतले त्यात विद्यार्थिनी या केवळ उत्तरपत्रिका उत्तरपत्रिकांच्या कोऱ्या पानावर रेषा मारत असल्याचे आढळून आले. शिक्षक वैभव शेंडे यांनी मराठी विषयाच्या उत्तर पत्रिका विद्यार्थिनींना हात करण्यासाठी अयोग्य आहे त्यामुळे शेंडे यांच्यावर मानधन जप्तीची कारवाई करण्यात आली असून त्यांच्याकडून उत्तर पत्रिका काढून घेण्यात आले आहेत. तसेच खाजगी शाळांतील कर्मचारी नियमावली मधील तरतुदीनुसार त्यांच्या विरोधात तात्काळ कारवाई करण्यासंदर्भात संबंधित संस्थेला कळविण्यात आले आहे.
शेंडे यांनी तपासलेल्या मराठी विषयाच्या 125 उत्तर पत्रिका मकांमार्फत ताब्यात घेण्यात आल्या असून त्यांची फेर तपासणी करण्यात येणार आहे विभागीय मंडळाच्या सक्षम समिती समोर पुढील सभेत हा विषय ठेवून योग्य ती कार्यवाही करण्यात येणार आहे तसेच संबंधित विद्यार्थ्यांचे कोणतेही नुकसान होणार नाही याची दक्षता घेण्यात येणार आहे.

हिंदी विषयाचे शिक्षक धनाजी नेरकर हे हिंदी विषयाच्या पेपरच्या दिवशी केंद्रावर विद्यार्थ्यांची तपासणी करून वर्गात सोडवण्याच्या कामासाठी उपस्थित होते. सीसीटीव्ही फुटेज नुसार नेरकर हे परीक्षा सुरू होण्यापूर्वी परीक्षा केंद्राचा परिसरात सोडून गेल्याचे स्पष्ट होते. त्यामुळे नेरकर यांच्याबाबत प्राप्त झालेल्या तक्रारीमध्ये तथ्य दिसून येत नाही,असेही विभागीय मंडळांनी स्पष्ट केले आहे.