NEET MDS : डेंटल पीजी २०२६ साठी अर्ज प्रक्रिया सुरू, 'या' तारखेपर्यंत करता येणार नोंदणी
दंतवैद्यकीय क्षेत्रात पुढील शिक्षण घेण्याची तयारी करणाऱ्या विद्यार्थ्यांसाठी महत्त्वाची अपडेट समोर आली आहे. राष्ट्रीय पात्रता प्रवेश परीक्षा - मास्टर ऑफ डेंटल सर्जरी साठी अर्ज प्रक्रिया सुरू करण्यात आली आहे.
eduvarta@gmail.com 
एज्युवार्ता न्यूज नेटवर्क
दंतवैद्यकीय क्षेत्रात (The Field of Dentistry) पुढील शिक्षण घेण्याची तयारी करणाऱ्या विद्यार्थ्यांसाठी महत्त्वाची अपडेट समोर आली आहे. राष्ट्रीय पात्रता प्रवेश परीक्षा - मास्टर ऑफ डेंटल सर्जरी (NEET MDS 2026) साठी अर्ज प्रक्रिया सुरू करण्यात आली आहे. राष्ट्रीय परीक्षा मंडळाने (National Board of Examinations) या परीक्षेसाठी आज १४ मार्चपासून ऑनलाइन नोंदणी सुरू केली आहे. देशभरातील इच्छुक आणि पात्र उमेदवार अधिकृत वेबसाइट nbe.edu.in ला भेट देऊन अर्ज करू शकतात. यासाठी विद्यार्थ्यांना ३० मार्चपर्यंत नोंदणी (Registration until March 30) करता येणार आहे.
राष्ट्रीय परीक्षा मंडळाने दिलेल्या माहितीनुसार, NEET MDS २०२६ ची परीक्षा २ मे २०२६ रोजी होणार आहे. ही परीक्षा पूर्णपणे संगणक आधारित चाचणी (CBT) पद्धतीने घेतली जाईल. परीक्षा दुपारी २:०० ते सायंकाळी ५:०० वाजेपर्यंत एकाच शिफ्टमध्ये घेतली जाईल. उमेदवारांना प्रश्न पूर्ण करण्यासाठी तीन तासांचा वेळ दिला जाईल. बोर्ड २ जून २०२६ रोजी निकाल जाहीर करेल, असा अंदाज व्यक्त करण्यात आला आहे.
ज्यांनी डेंटल कौन्सिल ऑफ इंडिया (DCI) द्वारे मान्यताप्राप्त संस्थेतून BDS पदवी प्राप्त केली आहे तेच उमेदवार अर्ज करण्यास पात्र आहेत. उमेदवारांकडे DCI किंवा राज्य दंत परिषदेने जारी केलेले तात्पुरते किंवा कायमस्वरूपी नोंदणी प्रमाणपत्र देखील असणे आवश्यक आहे. परीक्षेसाठी पात्र होण्यासाठी उमेदवारांना ३१ मे २०२६ पर्यंत १२ महिन्यांची अनिवार्य इंटर्नशिप पूर्ण केलेली आवश्यक आहे.
NEET MDS 2026 साठी अर्ज शुल्क वेगवेगळ्या श्रेणींनुसार निश्चित केले गेले आहे. सामान्य, OBC आणि EWS श्रेणीतील उमेदवारांना 3,500 रुपये अर्ज शुल्क आकारला जाईल. तर SC, ST आणि अपंग व्यक्ती (PwD) श्रेणीतील उमेदवारांना 2,500 रुपये भरावे लागतील.
असा भरा अर्ज?
प्रथम, अधिकृत वेबसाइट, nbe.edu.in किंवा natboard.edu.in ला भेट द्या. नंतर, होमपेजवर प्रदर्शित NEET MDS नोंदणी 2026 लिंकवर क्लिक करा. तुमची मूलभूत माहिती प्रविष्ट करा आणि लॉगिन आयडी आणि पासवर्ड तयार करा. नंतर, डॅशबोर्डवर लॉग इन करा आणि NEET MDS 2026 अर्ज फॉर्म भरा. फॉर्म भरल्यानंतर, आवश्यक कागदपत्रे विहित नमुन्यात अपलोड करा आणि शुल्क ऑनलाइन भरा. शेवटी, फॉर्म सबमिट करा करून त्याची प्रिंट आऊट काढून ठेवा.
