आयुष पीजी समुपदेशनाचे वेळापत्रक जाहीर, आजपासून नोंदणी सुरू
समुपदेशनात सहभागी होऊ इच्छिणारे सर्व उमेदवार नियोजित तारखांच्या आत AACCC aaccc.gov.in या अधिकृत वेबसाइटला भेट देऊन ऑनलाइन पद्धतीने नोंदणी करू शकतील.
eduvarta@gmail.com 
एज्युवार्ता न्यूज नेटवर्क
केंद्रीय आयुष प्रवेश समुपदेशन समितीने (AACCC) अखिल भारतीय आयुष पीजी प्रवेशासाठी (All India Ayush PG Admission) समुपदेशन वेळापत्रक प्रसिद्ध (Counseling schedule released) केले आहे. वेळापत्रकानुसार, आयुष पीजी समुपदेशनाची नोंदणी आजपासून म्हणजेच १० सप्टेंबर २०२४ पासून सुरू होईल. नोंदणी आणि शुल्क जमा करण्याची अंतिम तारीख 16 सप्टेंबर 2024 निश्चित करण्यात आली आहे. समुपदेशनात सहभागी होऊ इच्छिणारे सर्व उमेदवार नियोजित तारखांच्या आत AACCC aaccc.gov.in या अधिकृत वेबसाइटला भेट देऊन ऑनलाइन पद्धतीने नोंदणी करू शकतील.
आयुष पीजी समुपदेशन 2024 चे वेळापत्रक जाहीर करण्यात आले असून 10 सप्टेंबर पासून समुपदेशनासाठी नोंदणी सुरू करण्यात आली आहे. तर नोंदणी आणि फी भरण्याची शेवटची तारीख 16 सप्टेंबर देण्यात आली आहे. जागा वाटप प्रक्रिया 17 ते 18 सप्टेंबर दरम्यान पार पडणार आहे. तर पहिल्या फेरीच्या जागा वाटपाचा निकाल 19 सप्टेंबर रोजी जाहीर केला जाईल. तर उमेदवारांना 20 ते 25 सप्टेंबर दरम्यान वाटप केलेल्या संस्थेत प्रत्यक्ष हजर राहून कागदपत्रे सादर करावी लागणार आहे. 26 ते 27 सप्टेंबर रोजी कागदपत्रांची पडताळणी केली जाईल.
AIAPGET प्रवेशपत्र, AIAPGET स्कोकार्ड 2024, BAMS/BUMS//BSMS BHMS मार्कशीट आणि पदवी प्रमाणपत्र, इंटर्नशिप पूर्ण झाल्याचे प्रमाणपत्र, कायम/तात्पुरती नोंदणी प्रमाणपत्र, वैध फोटो ओळखपत्र (पॅन कार्ड, ड्रायव्हिंग लायसन्स, मतदार ओळखपत्र, पासपोर्ट किंवा आधार कार्ड) यापैकी एक यासारखी कागदपत्रे आयुष पीजी समुपदेशन 2024 साठी विद्यार्थ्यांकडे असणे आवश्यक आहेत.
