UPSC IES, ISS परीक्षांसाठी अर्ज प्रक्रिया सुरू
या भरती परीक्षेद्वारे एकूण ४७ पदे भरली जातील. यापैकी १२ पदे भारतीय आर्थिक सेवा (IES) साठी आणि ३५ पदे भारतीय सांख्यिकी सेवा परीक्षा (ISSE) साठी राखीव ठेवण्यात आली आहेत. UPSC ने जाहीर केलेल्या वेळापत्रकानुसार, ही परीक्षा २० जून २०२५ पासून सुरू होईल.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (Union Public Service Commission) भारतीय आर्थिक सेवा (Indian Economic Service) IES भारतीय सांख्यिकी सेवा परीक्षा ( Indian Statistical Service Exam) २०२५ साठी अधिसूचना प्रसिद्ध केली आहे. यूपीएससीने अधिकृत वेबसाइटवर दिलेल्या माहितीनुसार, या परीक्षेसाठी ऑनलाइन अर्ज करण्याची प्रक्रिया सुरू झाली आहे. (The online application process for this exam has started) इच्छुक आणि पात्र उमेदवार ०४ मार्च २०२५ पर्यंत https://upsc.gov.in या अधिकृत वेबसाइटला भेट देऊन अर्ज करू शकतात.
या भरती परीक्षेद्वारे एकूण ४७ पदे भरली जातील. यापैकी १२ पदे भारतीय आर्थिक सेवासाठी (IES) आणि ३५ पदे भारतीय सांख्यिकी सेवा परीक्षेसाठी (ISSE) राखीव ठेवण्यात आली आहेत. UPSC ने जाहीर केलेल्या वेळापत्रकानुसार, ही परीक्षा २० जून २०२५ पासून सुरू होईल. परीक्षेचे हॉलतिकीट परीक्षेच्या काही दिवस आधी अधिकृत वेबसाइटवर प्रसिद्ध केले जाईल. उमेदवार अधिकृत वेबसाइटला भेट देऊन ते डाउनलोड करू शकतील.
दरम्यान, नागरी सेवा पूर्वपरीक्षेसाठी सध्या ऑनलाइन अर्ज भरले जात आहेत. उमेदवार या परीक्षेसाठी १८ फेब्रुवारी २०२५ पर्यंत अर्ज करू शकतात. यापूर्वी यासाठी अर्ज करण्याची शेवटची तारीख ११ फेब्रुवारी २०२५ होती, जी नंतर आयोगाने १८ फेब्रुवारीपर्यंत वाढवली.
अर्ज कसा करावा ?
* सर्वप्रथम उमेदवारांना upsc.gov.in या अधिकृत वेबसाइटला भेट द्यावी लागेल.
* आता, होमपेजवरील IES/ISS 2025 अर्ज लिंकवर क्लिक करा.
* नोंदणी करा आणि अर्ज भरा. आता आवश्यक अर्ज शुल्क भरा आणि फॉर्म सबमिट करा.
* भविष्यातील संदर्भासाठी एक प्रत डाउनलोड करा आणि प्रिंट आऊट काढा.
