पदवीधारकांसाठी नोकरीची सुवर्णसंधी, SSC CGL अंतर्गत 12 हजारांहून अधिक पदांची भरती

एज्युवार्ता न्यूज नेटवर्क 

कर्मचारी निवड आयोगाने (SSC) नुकतेच कंबाइंड ग्रेजुएट लेवल (CGL) २०२६ परीक्षेचे अधिकृत नोटिफिकेशन प्रसिद्ध (Notification released) केले आहे. यामध्ये १२ हजार २५६ रिक्त जागांसाठी भरती प्रक्रिया राबवण्यात येत आहे. ही मेगा भरती केंद्र सरकारच्या विविध विभाग आणि मंत्रालयांमधील ग्रुप बी आणि ग्रुप सी स्तरावरील (Group B and Group C Levels) सुमारे ४० प्रकारच्या पदांसाठी आहे. या भरतीसाठी इच्छुक आणि पात्र उमेदवार अधिकृत संकेतस्थळ  ssc.gov.in  वर जाऊन ऑनलाईन पद्धतीने अर्ज भरू शकतात. अर्ज भरण्याची अंतिम मुदत २३ जून (Deadline June 23) पर्यंत असणार आहे. 

कर्मचारी निवड आयोगाच्या या भरती मोहिमेअंतर्गत आयकर निरीक्षक, सहाय्यक विभाग अधिकारी, सीबीआय निरीक्षक, सहाय्यक लेखा परीक्षण अधिकारी यासारखी महत्त्वाची पदे समाविष्ट आहेत. ही परीक्षा देशातील लाखो पदवीधर तरुणांसाठी मोठी संधी ठरेल. पात्रता निकषानुसार कोणत्याही शाखेतील पदवीधर उमेदवार अर्ज करू शकतात. वय मर्यादा १८ ते ३२ वर्षे आहे जी पदानुसार बदलू शकते. सामान्य आणि OBC उमेदवारांसाठी अर्ज फी १०० रुपये तर SC, ST, PwD आणि महिलांसाठी फी माफ आहे. 

अर्ज आणि फी भरण्याची शेवटची तारीख २३ जून २०२६ आहे. त्यानंतर २९ जून ते १ जुलै २०२६ रोजी सुधारणा करण्यासाठी विंडो उपलब्ध करण्यात येणार आहे. Tier-1 परीक्षा ऑगस्ट-सप्टेंबर २०२६ मध्ये आणि Tier-2 परीक्षा डिसेंबर २०२६ मध्ये घेण्यात येणार आहे. उमेदवारांना ssc.gov.in या अधिकृत वेबसाइटवरून नोटिफिकेशन डाउनलोड करून पूर्ण माहिती घेण्याचे आवाहन करण्यात आले आहे. यावर्षी परीक्षेत  sectional timing सारखे नवीन बदल करण्यात आले आहेत. 

परीक्षा ऑनलाइन सीबीटी मोडमध्ये होईल आणि निगेटिव्ह मार्किंग लागू राहील. स्पर्धा प्रचंड असल्याने इच्छुक उमेदवारांनी ताबडतोब अर्ज करून तयारी सुरू करावी. अधिकृत सिलॅबस, परीक्षा पॅटर्न आणि मागील प्रश्नपत्रिका ssc.gov.in वर उपलब्ध आहे, अशी माहिती देखील देण्यात आली आहे.