मुख्याध्यापकाचे घृणास्पद कृत्य : गुंगीचं औषध देत विद्यार्थिनीवर अत्याचार, धमकी देत गर्भपात 

एज्युवार्ता न्यूज नेटवर्क 

शिक्षण क्षेत्राला कलंकित करणारे घृणास्पद कृत्य नांदेडमध्ये (Nandes Crime News) घडले आहे. हदगाव तालुक्यातील तामसा येथील एका शाळेच्या नराधम मुख्याध्यापकाने गुरू-शिष्य परंपरेला काळीमा फासत इयत्ता दहावीत शिकणाऱ्या अल्पवयीन विद्यार्थिनीवर बलात्कार (Rape of a minor student) केला आहे. प्रथम या मुख्याध्यापकाने विद्यार्थीनीला गुंगीचे औषध दिले (Principal gave unconsciousness drug to student) आणि तिच्यासोबत एकदा नाहीतर अनेकवेळा लैंगिक अत्याचार केल्याचे समोर आले आहे. या घटनेमुळे संपूर्ण जिल्ह्यासह राज्यभरातून तीव्र प्रतिक्रिया उमटत आहेत. 

नांदेड जिल्ह्यातील हदगाव तालुक्यातील तामसा येथील एका शाळेच्या मुख्याध्यापकाने अल्पवयीन विद्यार्थिनीवर गुंगीचे औषध देऊन बलात्कार केल्याची घटना घडली आहे. नंतर आरोपीने वारंवार मुलीवर अत्याचार केले. त्यातून विद्यार्थिनी गरोदर राहिली. मात्र, त्यानंतर तिचा गर्भपात देखील करण्यात आला . ही घटना मुलींच्या कुटुंबीयांना कळाली. त्यानंतर त्यांच्या देखील पायाखालची जमीन सरकली. त्यानंतर मुलीच्या तक्रारीवरुन आरोपी मुख्याध्यापक राजू सिंग चौहान याच्यावर पोस्को अंतर्गत बलात्काराचा गुन्हा दाखल करण्यात आला आहे.  या घटनेच्या निषेधार्थ नागरिकांनी पोलीस ठाण्यात जाऊन आरोपीला अटक करून कठोर शिक्षा करण्याची मागणी केली.

समोर आलेल्या माहितीनुसार, हिंगोलीचे खासदार नागेश पाटील आष्टीकर यांची हदगांव तालुक्यातील तामसा येथे माध्यमिक व उच्च माध्यमिक शाळा आहे. या शाळेत आरोपी राजूसिंह चौहान हा मुख्याध्यापक पदी कार्यरत आहे. त्याने मुलीला पाण्यातून औषध देत अनेकदा तिच्यावर अत्याचार केले. वारंवार संबंध ठेवल्याने विद्यार्थिनी गरोदर देखील राहिली. या संदर्भात घरी कोणाला काही सांगितले तर तुझे व्हिडीओ व्हायरल करेल, अशी धमकी देत पुन्हा तिच्यावर लैंगिक अत्याचार करत होता. गरोदर राहिल्यानंतर देखील मुलीला धमकी देत नराधम मुख्याध्यापकाने तिचा गर्भपात केला. या सगळ्या प्रकारानंतर मुलगी प्रचंड घाबरली होती, शंका येताच कुटुंबियांनी मुलीला विश्वासात घेतले. त्यानंतर मुलीने घडलेला सर्व प्रकार सांगितला. 
______________________________

शाळेतील प्रकार उघडकीस आल्यानंतर खासदार नागेश पाटील आष्टीकर यांनी स्पष्टीकरण दिले आहे. ही घटना समजल्यानंतर मी मुख्याध्यापकाला निलंबित केले आहे. डीवाएसपी यांना घटनेची माहिती देऊन मुख्याध्यापका विरोधात कठोर कारवाई करण्याच्या सूचना केल्या आहे. मी अशी घटना खपवून घेणार नाही. नराधमाला शिक्षा व्हायला पाहिजे, अशी माझी भूमिका आहे. 

 नागेश पाटील आष्टीकर,खासदार