SPPU विद्यापीठाकडून विद्यार्थ्यांवर घरफोडीचे गुन्हे दाखल करण्याची तयारी? विद्यार्थ्यांचे कुलगुरू कार्यालयाबाहेर आंदोलन

पुणे विद्यापीठाच्या वसतिगृह क्रमांक नऊ मध्ये अनेक विद्यार्थी अनधिकृतपणे राहत असल्याचे विद्यापीठ प्रशासनाच्या निदर्शनास आले. त्यातील काही विद्यार्थी तर बंद खोल्यांचे कुलूप तोडून तेथे बेकायदेशीरपणे राहत असल्याची धक्कादायक माहिती समोर आली. त्यामुळे विद्यापीठ प्रशासन आणि विद्यापीठाच्या सुरक्षा विभागाने संयुक्तपणे कारवाई करत येथील चौदा खोल्यांना कुलूप लावले.

Jun 22, 2026 - 14:25 Updated: Jun 22, 2026 - 14:53

SPPU विद्यापीठाकडून विद्यार्थ्यांवर घरफोडीचे गुन्हे दाखल करण्याची तयारी? विद्यार्थ्यांचे कुलगुरू कार्यालयाबाहेर आंदोलन

Students gather outside the Vice-Chancellor's office at SPPU, raising slogans and demanding justice over the university's reported plan to file burglary charges. The student protest highlights growing tensions between campus authorities and students.

एज्युवार्ता न्यूज नेटवर्क

सावित्रीबाई फुले पुणे विद्यापीठाच्या वसतिगृह प्रशासनाने आणि सुरक्षा विभागाने संयुक्त कारवाई करत वसतिगृह क्रमांक 9 मधील विद्यार्थ्यांना बाहेर काढले. तसेच १४ खोल्यांना टाळे लावले. त्यामुळे विद्यार्थ्यांनी कुलगुरू कार्यालयाबाहेर आंदोलन केले. मात्र, होस्टेलच्या काही खोल्यांचे कुलूप तोडून विद्यार्थी येथे राहत असल्याचे समोर आल्याने संबंधितांवर घरफोडीचे गुन्हे दाखल करण्याची विद्यापीठ प्रशासनाने तयारी केली असल्याचे सूत्रांकडून सांगितले जात आहे. त्यामुळे विद्यापीठ व विद्यार्थी असा संघर्ष उभा राहणार असल्याची शक्यता वर्तवली जात आहे.

सावित्रीबाई फुले पुणे विद्यापीठाच्या वसतिगृह क्रमांक नऊ मध्ये अनेक विद्यार्थी अनधिकृतपणे राहत असल्याचे विद्यापीठ प्रशासनाच्या निदर्शनास आले. त्यातील काही विद्यार्थी तर बंद खोल्यांचे कुलूप तोडून तेथे बेकायदेशीरपणे राहत असल्याची धक्कादायक माहिती समोर आली. त्यामुळे विद्यापीठ प्रशासन आणि विद्यापीठाच्या सुरक्षा विभागाने संयुक्तपणे कारवाई करत येथील चौदा खोल्यांना कुलूप लावले. त्यातील काही खोल्यांना लावण्यात आलेले कुलूप तोडता येत नसल्याने संबंधित खोल्यांमध्ये राहणाऱ्या विद्यार्थ्यांना तीन दिवसात रूम सोडण्यास सांगण्यात आले आहे.

विद्यार्थ्यांचे विविध विभागांमध्ये प्रवेश असले तरी या खोलांमध्ये राहणाऱ्या विद्यार्थ्यांना विद्यापीठाने अधिकृतपणे रूम ॲलॉट केलेल्या नाहीत. तरीही या खोल्यांमध्ये हे विद्यार्थी राहत होते. त्यामुळे विद्यापीठाने ही कारवाई केली असल्याचे सूत्रांकडून सांगण्यात आले आहे. दरम्यान नवीन शैक्षणिक वर्षास सुरुवात होणार असून नव्याने विद्यापीठात प्रवेश घेणाऱ्या विद्यार्थ्यांना वसतीगृहात प्रवेश द्यावा लागणार आहे. त्यामुळे ज्या विद्यार्थ्यांचा कालावधी संपला आहे तसेच जे विद्यार्थी पॅरासाईड म्हणून राहत होते,अशा विद्यार्थ्यांना विद्यापीठाबाहेर काढण्यात आले आहे.

दरम्यान, नवीन विद्यार्थी प्रवेश घेऊन विद्यापीठात राहण्यासाठी येण्यास अजून वेळ आहे. तसेच सेट परीक्षा काही दिवसांवर येऊन ठेपली आहे. त्यामुळे विद्यापीठाने आणखी काही दिवस हॉटेलमध्ये राहण्यास सवलत द्यावी, अशी मागणी विद्यार्थ्यांकडून केली जात आहे.

वसतीगृहातील विद्यार्थ्यांवर केलेल्या कारवाईबाबत वसतिगृह प्रमुख नगराळे यांच्याशी बोलण्याचा प्रयत्न केला असता त्यांनी प्रतिक्रिया देण्यास असमर्थता दर्शवली. तसेच वसतिगृह प्रशासनाने केलेल्या मागणीनुसार हॉस्टेल क्रमांक 9 वरील कारवाईसाठी सुरक्षा व्यवस्था पुरवण्यात आली होती, असे विद्यापीठाच्या सुरक्षा विभागातील अधिकाऱ्यांनी सांगितले.