TET परीक्षेदरम्यान दुपट्टा, बुरखा, मास्क, टोपी घालता येणार; पण एका अटीवर, परीक्षा परिषदेने केला खुलासा
शिक्षक पात्रता परीक्षेसाठी महिला उमेदवारांना कोणतेही कपडे दुपट्टा उडणे किंवा बुरखा परिधान करण्याचे स्वातंत्र्य राहील. मात्र, परीक्षा कालावधीत परीक्षा केंद्रावर वर्ग खोलीमध्ये चेहरा मात्र पूर्णपणे सीसीटीव्ही कॅमेरा मध्ये स्पष्ट दिसला पाहिजे. यासाठी मानेचा वर म्हणजेच कानावर, डोक्यावर किंवा तोंडावर,चेहऱ्यावर कोणत्याही प्रकारचा कपडा , आवरण असता कामा नये, असे राज्य परीक्षा परिषदेचे अध्यक्ष नंदकुमार बेडसे यांनी स्पष्ट केले आहे.
eduvarta@gmail.com 
महाराष्ट्र राज्य परीक्षा परिषदेतर्फे येत्या 28 जून रोजी घेतल्या जाणाऱ्या TET परीक्षेसाठी कडक नियमावली प्रसिध्द करण्यात आली.मात्र, त्यावरून शिक्षण क्षेत्रात उलट सुलट प्रतिक्रिया व्यक्त केल्या जात आहेत.त्यामुळे यावर परीक्षा परिषदेने खुला केला असून कोणाच्याही धार्मिक भावना दुखावण्याचा परिषदेचा उद्देश नाही. परीक्षा ही सीसीटीव्हीच्या देखरेखी खाली होत असल्याने प्रत्येक उमेदवाराचा मानेवारील भाग दिसलाच पाहिजे.त्यामुळे डोके, पूर्ण चेहरा, कान या गोष्टी दिसल्याच पाहिजे.त्यामुळे कोणी काय पोषक परिधान करावा, यावर कोणतेही निर्बंध घातले गेले नाही,असा खुलासा राज्य परीक्षा परिषदेचे अध्यक्ष नंदकूमार बेडसे यांनी केला आहे.त्यामुळे TET परीक्षेत पोषाख परिधान करण्यावरून निर्माण झालेल्या वादाला आता पूर्णविराम मिळणार आहे.
महाराष्ट्र राज्य परीक्षा परिषदेतर्फे घेतल्या जाणाऱ्या शिक्षक पात्रता परीक्षेसाठी राज्यातील 6 लाख 125 उमेदवारांनी नोंदणी केली आहे. यंदा परीक्षेदरम्यान नियमांचे काटेकोर पालन केले जाणार असून उमेदवारांना परीक्षा केंद्रात दुपट्टा, बुरखा, मास्क, टोपी या पैकी काहीही घालता येणार नाही. तसेच परीक्षा केंद्रात मोबाईल, पेजर, डिजिटल घड्याळ, पेन असे कोणतेही इलेक्ट्रिक साहित्य घेऊन जाता येणार नाही, असे परीक्षा परिषदेचे अध्यक्ष नंदकूमार बेडसे यांनी स्पष्ट केले होते.मात्र, त्यावर सध्या कार्यरत असणारे शिक्षक तसेच समाजातील विविध घटकांकडून टीका झाली होती.त्यानंतर शिक्षण विभागाने खुलासा प्रसिध्द केला आहे.
शिक्षक पात्रता परीक्षेसाठी महिला उमेदवारांना कोणतेही कपडे दुपट्टा उडणे किंवा बुरखा परिधान करण्याचे स्वातंत्र्य राहील. मात्र, परीक्षा कालावधीत परीक्षा केंद्रावर वर्ग खोलीमध्ये चेहरा मात्र पूर्णपणे सीसीटीव्ही कॅमेरा मध्ये स्पष्ट दिसला पाहिजे. यासाठी मानेचा वर म्हणजेच कानावर, डोक्यावर किंवा तोंडावर,चेहऱ्यावर कोणत्याही प्रकारचा कपडा , आवरण असता कामा नये, असे राज्य परीक्षा परिषदेचे अध्यक्ष नंदकुमार बेडसे यांनी स्पष्ट केले आहे.
परीक्षा परिषदेने दिलेल्या खुलास्यानुसार न्यायालयाने यूपीएससी,एसएससी, आयबीपीएस ,एसबीआय, आरआरबी गेट, सी ए, सी एस, यासारख्या राष्ट्रीय स्तरावरील परीक्षांसह एमपीएससी,यूपीपीएससी सारख्या राज्य लोकसेवा आयोगाच्या परीक्षांमध्ये चेहरा झाकणारे कपडे दुपट्टा बुरखास, स्कार्प, टोपी , गॉगल्स यांना प्रतिबंध घातला आहे. कारण ओळख पडताळणी बायोमेट्रिक तपासणी आणि संपूर्ण परीक्षा कालावधीत सीसीटीव्ही पडताळणी प्रक्रियेमध्ये चेहरा स्पष्टपणे दिसणे आवश्यक आहे. परीक्षांमध्ये चेहऱ्यावरील हिजाब , बुरखा किंवा दुप्पट्टा यावर बंदी घालण्यामागे मुख्य उद्देश लाईव्ह सीसीटीव्हीच्या माध्यमातून संपूर्ण परीक्षा कालावधीत सर्व उमेदवारांवर बारकाईने लक्ष ठेवून गैरप्रकार रोखणे ओळख पडताळणी सुलभ करणे व पर्यायाने परीक्षेमधील पारदर्शकता, विश्वासार्हता कायम ठेवणे हा आहे.
परीक्षेमध्ये कोणत्याही प्रकारचे गैरप्रकार, मोबाईल बाळगणे, मोबाईलद्वारे प्रश्नपत्रिका whatsapp, टेलिग्राम द्वारे बाहेर पाठवणे ,मोबाईल द्वारे उत्तरे प्राप्त करून घेणे, कानामध्ये अतिशय लहान आकाराचे वायफाय ब्लूटूथ ठेवणे या व अशा अनेक प्रकारच्या युक्त्या आजकाल परीक्षेमध्ये गैरप्रकारासाठी वापरण्यात येत आहेत. त्यामुळे परीक्षा केंद्रावरील सर्वच उमेदवारांचा संपूर्ण चेहरा मानेच्या वरील संपूर्ण भाग म्हणजेच तोंड कान हे अवयव स्पष्टपणे दिसणे आवश्यक आहेत. तोंड झाकून ठेवल्यास कोण एकमेकांशी बोलत आहे, हे दिसणार नाही तसेच परीक्षा केंद्रामध्ये संशयावरून पडताळणीसाठी एखाद्या महिला उमेदवारास चेहरा दाखविण्यास सांगितले तर कदाचित त्यामधून वेगळाच प्रश्न उद्भवू शकतो.
नुकत्याच महाराष्ट्र राज्य परीक्षा परिषदेतर्फे घेण्यात आलेल्या डीएड व संगणक लघुलेखकरीक्षेमध्ये उमेदवारांनी दुपट्टा बुरख्यामध्ये मोबाईल लपून परीक्षा केंद्रामध्ये आणल्याचे व वापर केल्याचे निष्पन्न झाले होते. शिक्षक पात्रता परीक्षा ही अतिशय संवेदनशील परीक्षा असून एया, ब्लूटूथ डिवाइस, शर्टच्या बटनासारखे इलेक्ट्रॉनिक साधन यांचा वापर करून गैरप्रकार होण्याची शक्यता आहे. परीक्षेतील गैरप्रकारांना आळा घालण्यासाठी उमेदवाराचा चेहरा लाईव्ह सीसीटीव्ही मध्ये दिसणे गरजेचे आहे,असेही राज्य परीक्षा परिषदेने प्रसिद्ध केलेल्या पत्रात नमूद केले आहे.
