पाचवी- आठवी शिष्यवृत्ती परीक्षेचा निकाल अखेर जाहीर; कोणाला मिळाली स्कॉलरशीप
राज्य परीक्षा परिषदेतर्फे 22 फेब्रुवारी 2026 रोजी शिष्यवृत्ती परीक्षा घेण्यात आली.इयत्ता पाचवी शिष्यवृत्ती परीक्षेसाठी 6 लाख 57 हजार 176 विद्यार्थ्यांनी नोंदणी केली होती. त्यातील 6 लाख 36 हजार 580 विद्यार्थी परीक्षेस उपस्थित होते. त्यातील 1 लाख 57 हजार 483 विद्यार्थी शिष्यवृत्ती परीक्षेत पात्र ठरले आहेत. मात्र 16 हजार 693 विद्यार्थ्यांना शिष्यवृत्ती दिली जाणार आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेतर्फे घेण्यात आलेल्या इयत्ता पाचवी- आठवी शिष्यवृत्ती परीक्षेचा अंतिम निकाल जाहीर झाला असून परीक्षेचा एकूण निकाल 22.97 टक्के लागला आहे. इयत्ता पाचवीचा निकाल 24.74 टक्के लागला असून इयत्ता आठवीचा निकाल 19.94 टक्के लागला आहे.
राज्य परीक्षा परिषदेतर्फे 22 फेब्रुवारी 2026 रोजी शिष्यवृत्ती परीक्षा घेण्यात आली.इयत्ता पाचवी शिष्यवृत्ती परीक्षेसाठी 6 लाख 57 हजार 176 विद्यार्थ्यांनी नोंदणी केली होती. त्यातील 6 लाख 36 हजार 580 विद्यार्थी परीक्षेस उपस्थित होते. त्यातील 1 लाख 57 हजार 483 विद्यार्थी शिष्यवृत्ती परीक्षेत पात्र ठरले आहेत. मात्र 16 हजार 693 विद्यार्थ्यांना शिष्यवृत्ती दिली जाणार आहे.
इयत्ता आठवीच्या शिष्यवृत्ती परीक्षेसाठी 3 लाख 87 हजार 627 विद्यार्थ्यांनी नोंदणी केली होती. त्यातील 3 लाख 73 हजार 961 विद्यार्थी प्रत्यक्षात परीक्षेसाठी उपस्थित होते. शिष्यवृत्ती परीक्षेत पात्र झालेल्या विद्यार्थ्यांची संख्या 74 हजार 546 आहे. मात्र राज्यातील 16 हजार 587 विद्यार्थ्यांनाच शिष्यवृत्ती मिळणार आहे. शासनातर्फे प्रत्येक जिल्हयासाठी शिष्यवृत्ती दिल्या जाणाऱ्या विद्यार्थ्यांची संख्या निश्चित केली जाते.त्यानुसार प्रत्येक तालुक्यासाठी आणि जिल्हयासाठी शिष्यवृत्ती मिळालेल्या विद्यार्थ्यांची संख्या वगवेगळी दिसून येत.
राज्य परीक्षा परिषदेतर्फे 18 मे रोजी परीक्षेचा तात्पुरता निकाल जाहीर करण्यात आला होता. त्यावर आक्षेत मागविण्यात आले होते. निकाला संदर्भातील सर्व आक्षेप परीक्षा परिषदेने निकाली काढले असून परीक्षेचा अंतिम निकाल राज्य परीक्षा परिषदेच्या संकेतस्थळावर प्रसिद्ध करण्यात आला आहे.
शिष्यवृत्ती परीक्षेचा अंतिम निकाल परीक्षा परिषदेच्या संकेतस्थळावर वैयक्तिकरित्या स्वतःचा बैठक क्रमांक व आईचे नाव टाकून पाहता येईल. तसेच शाळेत त्यांच्या लॉगिन मध्ये शाळेतील सर्व विद्यार्थ्यांचा निकाल एकत्रितपणे पाहता येईल. मात्र शिष्यवृत्तीधारक झालेल्या विद्यार्थ्यांचे प्रमाणपत्र त्यांच्या बँक खात्याची व आधार क्रमांक ची माहिती भरल्याशिवाय पाहता किंवा डाऊनलोड करता येणार नाही. परंतु,संकेतस्थळावरील गुणवत्ता यादीत त्याला स्वतःचा शिष्यवृत्ती संच प्रकार पाहता येईल, असे परीक्षा परिषदेतर्फे स्पष्ट करण्यात आले आहे.
