मोठी बातमी: MBA अभ्यासक्रमाची प्रवेश प्रक्रिया सुरू; CET- CELL कडून वेळापत्रक जाहीर
प्रवेशासाठी अर्ज केलेल्या विद्यार्थ्यांची तात्पुरती गुणवत्ता यादी येत्या 15 जुलै रोजी प्रसिद्ध केली जाणार आहे. विद्यार्थी डॉक्युमेंट व्हेरिफिकेशन शनिवारी व रविवारी सुद्धा करू शकतात. सकाळी 10 ते सायंकाळी साडेपाच वाजेपर्यंत डॉक्युमेंट व्हेरिफिकेशनचे काम सुरू राहणार आहे.
Eduvarta
एज्युवार्ता न्यूज नेटवर्क
एमबीए अभ्यासक्रमाच्या प्रवेशाची वाट पाहणाऱ्या विद्यार्थ्यांची प्रतीक्षा संपली आहे.महाराष्ट्र राज्य सामायिक प्रवेश परीक्षा कक्षाने शैक्षणिक वर्ष 2026- 27 साठी एमबीए अभ्यासक्रमाच्या प्रवेश प्रक्रियेला सुरुवात केली आहे. विद्यार्थी 2 जुलैपासून येत्या 12 जुलैपर्यंत एमबीए प्रवेशासाठी नोंदणी करू शकतात. सीईटी सेलतर्फे प्रवेश प्रक्रियेचे सविस्तर वेळापत्रक व आवश्यक माहिती संकेतस्थळावरउपलब्ध करून दिली आहे.
राज्य सामायिक प्रवेश परीक्षा कक्षातर्फे एमबीए व एमएमएस अभ्यासक्रमाची प्रवेश प्रक्रिया सुरू करण्यात आली आहे. विद्यार्थ्यांना येत्या 3 जुलै ते 13 जुलै या कालावधीत डॉक्युमेंट व्हेरिफिकेशन आणि अर्ज ऑनलाइन कन्फर्मेशन करता येईल.
प्रवेशासाठी अर्ज केलेल्या विद्यार्थ्यांची तात्पुरती गुणवत्ता यादी येत्या 15 जुलै रोजी प्रसिद्ध केली जाणार आहे. विद्यार्थी डॉक्युमेंट व्हेरिफिकेशन शनिवारी व रविवारी सुद्धा करू शकतात. सकाळी 10 ते सायंकाळी साडेपाच वाजेपर्यंत डॉक्युमेंट व्हेरिफिकेशनचे काम सुरू राहणार आहे.
एमबीए प्रवेशासाठी अर्ज केलेल्या विद्यार्थ्यांना गुणवत्ता यादी संदर्भातील आक्षेप येत्या 16 ते 18 जुलै या कालावधीत ऑनलाईन पद्धतीने नोंदवता येतील. एमबीए प्रवेशाची अंतिम गुणवत्ता यादी येत्या २० जुलै रोजी प्रसिद्ध केली जाणार आहे, असे राज्य परीक्षा परिषदेतर्फे प्रसिद्धी पत्रकाद्वारे स्पष्ट करण्यात आले आहे.
राज्याचे उच्च व तंत्र शिक्षण विभागातर्फे चालू शैक्षणिक वर्षात सर्व व्यावसायिक अभ्यासक्रमांच्या प्रवेश प्रक्रियेसाठी दोन सीईटी परीक्षांची संधी विद्यार्थ्यांना उपलब्ध करून देण्याचा निर्णय घेतला होता. अनेक विद्यार्थ्यांनी एमबीए साठी घेण्यात आलेल्या दोन परीक्षांच्या संधीचा लाभ घेतला. एमबीए सीईटीचा निकाल जाहीर झाल्यानंतर विद्यार्थी प्रवेशाच्या प्रतीक्षेत होते. आता एमबीए अभ्यासक्रमाची प्रवेश प्रक्रिया सुरू झाली आहे.
