दुष्काळग्रस्तांना विद्यार्थ्यांना सरसकट शुल्क माफी नाही

एज्युवार्ता न्यूज नेटवर्क

दुष्काळग्रस्त विद्यार्थ्यांच्या शैक्षणिक शुल्क माफीबाबत शासन स्तरावरून कोणताही आदेश अद्याप आलेला नाही. परीक्षा शुल्क माफ  (Exam fee waived) करण्याचा  शासनाने आदेश दिला असून त्याबाबत सावित्रीबाई फुले पुणे विद्यापीठाच्या (Savitribai Phule Pune University)परीक्षा विभागाकडून स्वतंत्र्यपणे कार्यवाही सुरु आहे. विद्यार्थ्याने ज्या महाविद्यालयात (college) प्रवेश घेतला आहे, तेथील प्राचार्य/विभागप्रमुख यांनी कागदपत्र तपासून शिफारस करणे आवश्यक आहे. इतर कोणतीही शिष्यवृत्ती घेत नसल्याबाबत विद्यार्थ्याकडून भरून घेण्यात येत असलेले हमीपत्र ऑनलाईन प्रक्रियेतून रद्द करण्यात आलेले आहे.सरसकट फी माफी बाबत शासनस्तरावरून आदेश प्राप्त झाल्यावर पुढील कार्यवाही केली जाईल,तसेच असे परिपत्रक विद्यापीठातर्फे प्रसिध्द करण्यात आले आहे. 

नामांकित कॉलेजकडून दु‌ष्काळग्रस्त विद्यार्थ्यांना परीक्षा शुल्क माफी मिळेना

राज्य शासन व सावित्रिबाई फुले पुणे विद्यापीठाने दुष्काळग्रस्त भागातील विद्यार्थ्याचे परीक्षा शुल्क माफ करण्याबाबतचे परीपत्रक काढले. परंतु, शहरातील काही नामांकित काॅलेज परीक्षा शुल्क माफ करण्याच्या निर्णयाला प्रतिसाद देताना दिसत नाहीत. या उलट विद्यार्थ्यांना उडवाउडवीची उत्तरे देवून टाळाटाळ करत आहेत, त्यामुळे संबंधित काॅलेजवर विद्यापीठ प्रशासनाने कारवाई करावी, अशी मागणी स्टुडेंट हेल्पिग हँड तर्फे करण्यात आली होती. त्यावर विद्यापीठाने परिपत्रक प्रसिध्द केले आहे.

पुण्यातील काही नामकीत काॅलेजकडून विद्यार्थ्यांना उडवाउडावीची उत्तरे दिली जातात. तसेच शुल्क माफीचे कोणतेच परीपत्रक आमच्याकडे आलेले नाही, खूल्या प्रवर्गातील विद्यार्थ्याना परीक्षा शुल्क माफ नाही, तुम्ही परीक्षा शुल्क भरानंतर आम्ही परत देवू, शिष्यवृत्ती घेत असाल तर परीक्षा शूल्क मिळणार नाही, तुमचे गाव ,तालुका दुष्काळ ग्रस्त भागात नाही, अशा प्रकारची कारणे सांगितली जात असल्याचा आरोप काही दिवसांपुर्वी स्टुडेंट हेल्पिग हँडचे कुलदीप आंबेकर यांनी केला होता.