TDS भरताना होणाऱ्या चुका टाळण्यासाठी व्यवस्थापन गरजेचे ; आयकर अधिकारी हकीम यांचे मत
टीडीएस भरताना अनेक चुका होतात, त्या टाळण्यासाठी विशेष काळजी घेऊन व्यवस्थापन केले पाहिजे. प्रत्येकाने टीडीएस परतावा सादर करताना आपली सर्व माहिती, आपले स्वतःचे प्रोफाइल आणि ई-मेल वेळच्या वेळी तपासले पाहिजे.
eduvarta@gmail.com 
एज्युवार्ता न्यूज नेटवर्क
टीडीएस परतावा (Refund of TDS) सादर करताना होणाऱ्या चुका टाळण्यासाठी योग्य ते व्यवस्थापन करणे आवश्यक (Need to manage) आहे. प्रत्येकाने टीडीएस परतावा सादर करताना आपली सर्व माहिती, आपले स्वतःचे प्रोफाइल आणि ई-मेल वेळच्या वेळी तपासले (Check profile and e-mail) पाहिजे. आपले प्रोफाईल अपडेट करणे गरजेचे (Need to update profile) आहे, असे मत आयकर विभागाचे अधिकारी वकील हकीम (Income Tax Department Officer Vakil Hakeem) यांनी व्यक्त केले.
सरस्वती मंदिर नाईट कॉलेज ऑफ कॉमर्स अँड आर्ट्स आणि आयकर कार्यालय यांच्या संयुक्त विद्यमाने आयोजित "टीडीएस परतावा सादर करताना होणाऱ्या चुका टाळण्यासाठी घ्यावयाची काळजी आणि टीडीएस मागणी व्यवस्थापन" या विषयावरील चर्चासत्रात वकील हकीम बोलत होते.या प्रसंगी महाविद्यालयाचे प्राचार्य डॉ. सुनील शेटे, आयकर कार्यालय, पुणे येथील तज्ञ अधिकारी अमित कुमार आणि गणेश शर्मा आदी उपस्थित होते.
वकील हकीम यांनी टीडीएस सादर करण्याच्या विविध तरतुदींचे सविस्तर विश्लेषण केले. टीडीएस व्यवस्थित भरणे, तो वेळेवर भरणे, स्वतःचे प्रोफाइल अपडेट करणे, ते व्यवस्थित तपासणे इत्यादी बाबी कायदेशीरदृष्ट्या महत्त्वाच्या आहेत असे सांगितले.
या कार्यक्रमाला विविध महाविद्यालयाचे प्राचार्य , प्राध्यापक वर्ग, विद्यार्थी तसेच कार्यालयीन कर्मचारी उपस्थित होते. विद्यार्थ्यांनी विचारलेल्या प्रश्नांना उत्तरे देऊन आयकर विभागातील तज्ञ अधिकाऱ्यांनी टीडीएस संदर्भात योग्य ते मार्गदर्शन केले.
