डॉ. बाबासाहेब आंबेडकर मराठवाडा विद्यापीठाच्या प्र-कुलगुरूपदी डॉ.प्रवीण वक्ते
सोमवारी विद्यापीठाच्या व्यवस्थापन परिषदेच्या बैठकीत डॉ. वक्ते यांची प्रकुलगुरू पदी नियुक्ती करण्याचा निर्णय घेण्यात आला होता. त्यानुसार सोमवारी वक्ते यांनी पदभार स्वीकारला.
eduvarta@gmail.com 
एज्युवार्ता न्यूज नेटवर्क
डॉ. बाबासाहेब आंबेडकर मराठवाडा विद्यापीठाच्या प्रकुलगुरूपदी डॉ.प्रवीण वक्ते यांची नियुक्ती करण्यात आली आहे. डॉ .वक्ते हे विद्यापीठातीलच केमिकल टेक्नॉलॉजी विभागातील प्राध्यापक आहेत. त्यामुळे विद्यापीठच्या विभागातीलच व्यक्ती विद्यापीठाला प्र-कुलगुरू म्हणून लाभले आहेत.
बाबासाहेब आंबेडकर तंत्रशास्त्र विद्यापीठाचे कुलगुरू डॉ. कारभारी काळे यांच्या तडकाफडकी राजीनाम्यानंतर डॉ. बाबासाहेब आंबेडकर मराठवाडा विद्यापीठाचे प्र कुलगुरू डॉ.वाल्मिक सरवदे यांनी तडकाफडकी राजीनामा दिला होता. त्यामुळे राज्यात आता कुलगुरूंचे राजीनामा सत्र सुरू झाले आहे काय ? अशी चर्चा शिक्षण वर्तुळात केली जात होती.
विद्यापीठाचे कुलगुरू डॉ.विजय फुलारी यांनी २९ जानेवारी २०२४ रोजी डॉ.सरवदे यांची प्र.कुलगुरू पदी निवड केली होती. मात्र, सरवदे हे लादले गेलेले प्र- कुलगुरू होती, अशी चर्चा दबक्या आवाजात शिक्षण वर्तुळात केली जात होती.
विद्यापीठ कायद्यात कुलगुरू यांचा पदभार पूर्ण झाल्यानंतर किंवा कुलगुरूंनी राजीनामा दिल्यानंतर प्र कुलगुरू यांचा कार्यकाल संपुष्टात येतो,अशी तरतूद होती. मात्र, तत्पूर्वी प्र कुलगुरूंना कार्यमुक्त करायचे असेल तर याबाबतची तरतूद कायद्यात नव्हती. परंतु, मागील अधिवेशनात विद्यापीठ कायद्यात काही सुधारणा मांडल्या होत्या. त्यानंतर डॉ.वाल्मिक सरवदे यांनी राजीनामा दिला होता. त्यामुळे सुमारे एक महिन्यापासून प्र.कुलगुरू पद रिक्त होते.
सोमवारी विद्यापीठाच्या व्यवस्थापन परिषदेच्या बैठकीत डॉ. वक्ते यांची प्रकुलगुरू पदी नियुक्ती करण्याचा निर्णय घेण्यात आला होता. त्यानुसार सोमवारी वक्ते यांनी पदभार स्वीकारला.
