MPSC पेपरफुटी : तुकाराम मुंढे मोठ्या कारवाईच्या तयारीत; आयोगातील दोन सदस्यांच्या चौकशीसाठी सरकारकडे शिफारस

महाराष्ट्र लोकसेवा आयोगाच्या (एमपीएससी) विविध स्पर्धा परीक्षांमध्ये झालेल्या कथित गैरव्यवहारांची चौकशी करण्यासाठी स्थापन करण्यात आलेल्या स्वतंत्र आयोगाने आता महत्त्वाचे पाऊल उचलले आहे. या आयोगाचे प्रमुख तुकाराम मुंढे असून त्यांनी कारवाईची दिशा आयोगातील दोन सदस्यांकडे वळवल्याची माहिती समोर आली आहे.

MPSC पेपरफुटी : तुकाराम मुंढे मोठ्या कारवाईच्या तयारीत; आयोगातील दोन सदस्यांच्या चौकशीसाठी सरकारकडे शिफारस

एज्युवार्ता न्यूज नेटवर्क

महाराष्ट्र लोकसेवा आयोगाच्या (एमपीएससी) विविध स्पर्धा परीक्षांमध्ये झालेल्या कथित गैरव्यवहारांची चौकशी करण्यासाठी स्थापन करण्यात आलेल्या स्वतंत्र आयोगाने आता महत्त्वाचे पाऊल उचलले आहे. या आयोगाचे प्रमुख तुकाराम मुंढे असून त्यांनी कारवाईची दिशा आयोगातील दोन सदस्यांकडे वळवल्याची माहिती समोर आली आहे. प्रश्नपत्रिका फुटल्या होत्या की उत्तरतालिकांमध्ये गैरप्रकार झाला होता, याबाबत अद्याप स्पष्टता आलेली नसली तरी संबंधित पुरावे आणि नवीन प्रकारची माहिती लवकरच समोर येण्याची शक्यता आहे. या पार्श्वभूमीवर आयोगाने संबंधित व्यक्ती, परीक्षार्थी आणि विद्यार्थ्यांकडून निवेदने मागवली असून दिवाळीच्या पार्श्वभूमीवर मुदत १६ नोव्हेंबरवरून वाढवून २३ नोव्हेंबर २०२६ पर्यंत करण्यात आली आहे.

एमपीएससीमार्फत घेण्यात आलेल्या परीक्षांतील गोंधळाच्या काळात आयोगाचे अध्यक्ष भीमनवार नव्हते. त्यावेळी सदस्य  आयोगातील सदस्य यांच्याकडे अध्यक्षपदाचा पदभार होता. आयोगाच्या रचनेत सदस्यांची भूमिका अत्यंत महत्त्वाची असते. मुलाखतीच्या पॅनेलमध्ये ते अध्यक्ष म्हणून काम करतात आणि अनेक निर्णयप्रक्रियांमध्ये त्यांचा सहभाग असतो. त्यामुळे परीक्षेतील गोंधळानंतर आता सदस्यांच्या भूमिकेवरही संशय व्यक्त केला जात आहे. एसआयटी समितीसमोर आता या सदस्यांची चौकशी तुकाराम मुंढे यांच्याकडून केली जाणार असून सरकारकडे त्यांच्याविरोधात आरोपपत्र सादर केले जाण्याची शक्यता आहे.

राज्य शासनाने परीक्षा पद्धतीत सुसूत्रता आणण्यासाठी उच्चस्तरीय समितीही स्थापन केली आहे. या समितीने परीक्षार्थी, शिक्षणतज्ज्ञ आणि इतर घटकांशी चर्चा करून आदर्श परीक्षा पद्धतीचा अभ्यास केला आहे. समितीचा अहवाल आणि शिफारशी लवकरच शासनाला सादर होणार आहेत. या दोन्ही प्रक्रिया एकमेकांना पूरक ठरण्याची शक्यता आहे.

एमपीएससीमधील कथित गैरव्यवहाराची चौकशी आता निर्णायक टप्प्यात येत आहे. निवेदनांची मुदत वाढवल्याने अधिक माहिती समोर येण्याची संधी मिळाली आहे. तुकाराम मुंढे यांच्या नेतृत्वाखालील कारवाई आणि दोन सदस्यांविरुद्धची शिफारस यामुळे परीक्षाप्रणालीतील पारदर्शकतेबाबत महत्त्वाचे निर्णय लवकरच घेतले जाण्याची शक्यता आहे.