सावधान : क्रॅश कोर्सच्या नावाखाली एमबीएच्या विद्यार्थ्यांची फसवणूक ; AICTE ने दिला इशारा
AICTE १० दिवसांचा एमबीए क्रॅश कोर्स सुरू केलेला नाही किंवा अशा कोणत्याही कोर्सला मान्यता दिलेली नाही.
eduvarta@gmail.com 
एज्युवार्ता न्यूज नेटवर्क
काही मोटिवेशनल स्पीकर व इनफ्लुएंसर सोशल मीडियावर (Motivational speaker and influencer social media) दहा दिवसांच्या एमबीए क्रॅश कोर्सची (Ten Day MBA Crash Course) जाहिरात करून तरुणांची फसवणूक (Deceit the youth) करत असल्याची माहिती खुद्द ऑल इंडिया कौन्सिल फॉर टेक्निकल एज्युकेशने (AICTE) दिली असून अशा प्रकारच्या जाहिरातीपासून सावधान राहण्याचा इशारा दिला आहे.त्यामुळे कोणीही अशाप्रकारच्या अभ्यासक्रमांना प्रवेश घेऊ नका,असा सल्लाही एआयसीटीईने दिला आहे.
मागील काही दिवसांपासून एमबीए क्रॅश कोर्सची जाहिरात व्हायरल होत आहे.मात्र, AICTE १० दिवसांचा एमबीए क्रॅश कोर्स सुरू केलेला नाही किंवा अशा कोणत्याही कोर्सला मान्यता दिलेली नाही. एआयसीटीईने तांत्रिक शिक्षणांअतर्गत केवळ दोन वर्षांचा एमबीए कार्यक्रम मान्य केलेला,असे एआयसीटीईचे उपाध्यक्ष अभय जेरे यांनी प्रसिध्द केलेल्या परिपत्रकात नमूद केले आहे.
अभय जेरे म्हणाले , एआयसीटीईच्या मान्यतेशिवाय कोणतीही उच्च शैक्षणिक संस्था व्यवस्थापन आणि एमबीए प्रोग्राम सुरू करू शकत नाही. कोणताही एमबीए पदवी किंवा अभ्यासक्रम १० दिवसांत पूर्ण करता येणार नाही. १० दिवसात एमबीए क्रॅश कोर्स पूर्ण करण्याचा दावा कोणी करत असेल तर तो विद्यार्थी आणि उच्च शैक्षणिक संस्थांची फसवणूक करत आहे.
काही मोटिवेशनल स्पीकर आणि इनफ्लुएंसर कडून १० दिवसांचा एमबीए क्रॅश कोर्स ऑफर केला जात आहे. तर एमबीए प्रोग्रामच्या शिक्षण आणि अभ्यासक्रमाला मान्यता देणाऱ्या एआयसीटीईने अशा कोणत्याही अभ्यासक्रमाला मान्यता दिलेली नाही. त्यामुळे विद्यार्थ्यांनी अशा कोणत्याही अभ्यासक्रमात प्रवेश घेऊ नये, असा सल्लाही जेरे यांनी दिला आहे.
