दोन प्र- कलगुरूंची 'महासार्क'वर नियुक्ती; मराठवाडा,विदर्भाला संधी
स्वामी रामानंद तीर्थ मराठवाडा विद्यापीठ, नांदेड विद्यापीठाचे प्र-कुलगुरू डॉ.अशोक महाजन आणि गोंडवाना विद्यापीठाचे प्र- कुलगुरू डॉ.श्रीराम कावळे यांची महासार्कच्या सदस्य पदी नियुक्ती करण्यात आली आहे.
Eduvarta
एज्युवार्ता न्यूज नेटवर्क
राष्ट्रीय शैक्षणिक धोरणाच्या प्रभावी अंमलबजावणीसाठी सर्व राज्य विद्यापीठांमध्ये सहकार्य, समन्वय आणि नवोपक्रम संस्कृती निर्माण करण्याच्या दृष्टीने राज्य शैक्षणिक व संशोधन परिषद अर्थात महासार्क या समितीची स्थापना करण्यात आली. या समितीमधील रिक्त असलेल्या पदांवर राज्यातील दोन प्र-कुलगुरूंची नियुक्ती करण्यात आली आहे.
स्वामी रामानंद तीर्थ मराठवाडा विद्यापीठ, नांदेड विद्यापीठाचे प्र-कुलगुरू डॉ.अशोक महाजन आणि गोंडवाना विद्यापीठाचे प्र- कुलगुरू डॉ.श्रीराम कावळे यांची महासार्कच्या सदस्य पदी नियुक्ती करण्यात आली आहे.ही पदे रिक्त असल्याने शासनाने अध्यादेश प्रसिद्ध करून नियुक्ती जाहीर केली आहे.
राष्ट्रीय शैक्षणिक धोरणाच्या प्रभावी अंमलबजावणीच्या अनुषंगाने उच्च शिक्षण संशोधन व नवोपक्रम या क्षेत्रातील उत्कृष्टता अधिक बळकट करण्यासाठी व त्यास पुढे नेण्यासाठी राष्ट्रीय आणि जागतिक स्तरावरील संकल्पना, विचारसरणी, चिंतन प्रक्रिया आणि तर्कशास्त्र यांची व्यापक स्वरूपात देवाण-घेवाण घडून आणण्यासाठी व मार्गदर्शक सूचना तयार करण्यासाठी राज्यामध्ये महासार्कची स्थापना करण्यात आली आहे.
