कारागृह अधिकारी व कर्मचाऱ्यांसाठी राज्यस्तरीय क्रिडा स्पर्धेचे आयोजन

एज्युवार्ता न्यूज नेटवर्क

डॉ. सुहास वारके, अपर पोलीस महासंचालक व महानिरीक्षक कारागृह व सुधारसेवा (Dr. Suhas Warke, Additional Director General of Police and Inspector General of Prisons and Correctional Services) यांच्या मार्गदर्शनाखाली महाराष्ट्र कारागृह विभागाचे अधिकारी व कर्मचाऱ्यांसाठी (For officers and employees of Maharashtra Prison Department) दि. ८ मार्च 2025 ते 12 मार्च 2025 या कालावधीत येरवडा येथील दौलतराव जाधव तुरुंग अधिकारी प्रशिक्षण महाविद्यालयात (Daulatrao Jadhav Prison Officers Training College, Yerawada) राज्यस्तरीय वार्षिक क्रिडा स्पर्धेचे (State-level annual sports competition) आयोजन करण्यात आले होते.

या क्रिडा स्पर्धेमध्ये मुख्यालय, पुणे विभाग, मुंबई विभाग, नागपूर विभाग, छ. संभाजीनगर विभाग व नाशिक विभाग या संघांच्या एकुण 350 खेळाडुंनी सहभाग घेतला होता. या स्पर्धेमध्ये व्हॉलीबॉल, कबड्डी, रस्सीखेच, बॅडमिंटन दुहेरी, रोग टेनिस दुहेरी या सांघिक खेळांचा तसेच 100 मी, 200 मी, 400 मी व 800 मीटर धावणे, कुस्ती, कराटे, गोळा फेक, लांब उडी, भाला फेक, रींग टेनिस, बॅडमिंटन, 1500 मी जलद चालणे महिला या वैयक्तिक खेळांचा समावेश करण्यात आलेला होता.

स्पर्धेच्या बक्षीस वितरण सोहळ्याला प्रमुख पाहुणे म्हणून पिंपरी चिंचवडचे पोलीस आयुक्त विनयकुमार चौबे उपस्थित होते. त्यांनी बोलताना, "या क्रिडा स्पर्धेमध्ये सर्वांनी सांघिक भावनेने आपली कामगीरी दाखवली आहे. आपल्या गणवेषधारी ताणतणावाच्या नोकरीमध्ये खेळ हे निश्चितच खूप उपयोगाचे आहेत असे म्हणत पदक विजेत्यांचे अभिनंदन केले व ज्यांना यंदा पदक मिळाले नाही त्यांनी पुन्हा नवीन जोमाने प्रयत्न करून पदक प्राप्त करण्याचा त्यांनी मोलाचा संदेश दिला.  

तसेच अपर पोलीस महासंचालक आणि महानिरीक्षक कारागृह व सुधारसेवाचे डॉ. सुहास वारके यांनी बोलताना, मी नुकताच कारागृह विभागाचा कार्यभार स्वीकारला आहे. मीदेखील सांघिक भावनेने कारागृह विभागात कार्यरत राहणार आहे. आपण सर्व आपल्या कर्तव्याप्रती निष्ठा ठेवू व कारागृह कामगीरीची पताका ही नेहमी उंचावत राहील यासाठी एकत्रितपणे प्रयत्न करु" असे एकत्रित काम करण्याबाबत सर्व उपस्थित कारागृह अधिकारी, कर्मचारी व खेळाडु यांना सांगितले आहे.

या सोहळ्यासाठी मुख्यालयाचे विशेष पोलीस महानिरीक्षक डॉ जालिंदर सुपेकर, पुणे विभाग कारागृहाच्या उपमहानिरीक्षक स्वाती साठे, मुंबई विभाग कारागृहाचे  उपमहानिरीक्षक योगेश देसाई, प्राचार्य नितीन वायचळ, प्रशिक्षण महाविद्यालयाचे तुरुंग अधिकारी दौलतराव जाधव, येरवडा मध्यवर्ती कारागृहाचे अधीक्षक सुनिल ढमाळ व येरवडा खुले कारागृहाचे अधीक्षक अनिल खामकर तसेच महाराष्ट्रातील सर्व कारागृहाचे अधिकारी व कर्मचारी उपस्थित होते.

दरम्यान, या वार्षिक क्रिडा स्पर्धेमध्ये सर्वात जास्त बक्षीसे मिळवून मुख्यालय संघाने 21 सुवर्ण, 19 रौप्य, 7 कांस्य असे एकूण 47 पदके पटकावून एकूण 108 गुण प्राप्त केल्याने ते General Championship Trophy चे मानकरी ठरले. तसेच मुख्यालय संघातील पुरुष खेळाडुमध्ये विशाल देवराम सुसर यांनी 3 सुवर्ण आणि 1 रौप्य असे एकूण 4 पदके मिळवून 11 गुण प्राप्त केल्याने तसेच महिला खेळाडुमध्ये नाशिक विभागाच्या अनिता वाघचौरे यांनी 3 सुवर्ण, 1 रौप्य आणि 1 कांस्य असे एकुण 5 पदके मिळवून 12 गुण प्राप्त केल्याने सर्वोत्कृष्ठ खेळाडूचा मान या दोघांनी पटकवला. दोन्ही सर्वोत्कृष्ठ खेळाडुंना प्रत्येकी रु 25 हजार रुपये रोख बक्षीस देण्यात आले.

यावेळी महाराष्ट्र कारागृह विभागातील अधिकारी व कर्मचारी यांच्या पाल्यांने राष्ट्रीय व राज्यस्तरीय विविध खेळांमध्ये नैपुण्य प्राप्त केले असल्याने अशा खेळाडूंना देखील पोलीस आयुक्त चौबे यांच्यामार्फत गौरविण्यात आले.