अग्निवीर वायु भरती परीक्षेसाठी परीक्षा शहर स्लिप प्रसिद्ध !

एज्युवार्ता न्यूज नेटवर्क 

अग्निवीर वायु भरती परीक्षा (Agniveer vayu recruitment exam) 16 नोव्हेंबर पासून सुरू होणार आहे. या भरतीसाठी अर्ज केलेल्या सर्व उमेदवारांसाठी परीक्षा सिटी स्लिप (Exam city slip released) डाउनलोड करण्यासाठी उपलब्ध करून देण्यात आली आहे. परीक्षा शहर स्लिपद्वारे, उमेदवारांना त्यांच्या परीक्षेच्या शहराबद्दल माहिती मिळू शकते. उमेदवाराच्या लॉगिनवर जाऊन परीक्षा सिटी स्लिप डाउनलोड करता येईल.

परीक्षा सिटी स्लिप भारतीय हवाई दलाच्या agnipathvayu.cdac.in या अधिकृत वेबसाइटवर ऑनलाइन मोडद्वारे उपलब्ध करून देण्यात आली आहे. वेबसाइटच्या मुख्यपृष्ठावरील लॉगिन बटणावर क्लिक करा. आता उमेदवारला युजरनेम किंवा ईमेल आयडी आणि पासवर्ड टाकून लॉगिन बटणावर क्लिक करावे लागेल. माहिती सबमिट करताच, परीक्षेची सिटी स्लिप स्क्रीनवर उघडेल जिथून तुम्ही ती डाउनलोड करू शकता.

उमेदवारांनी लक्षात ठेवावे की, परीक्षा सिटी स्लिप प्रवेशपत्र म्हणून वापरता येणार नाही त्यामुळे, जेव्हा तुम्ही परीक्षा देण्यासाठी परीक्षा केंद्रावर जाल तेव्हा तुमचे प्रवेशपत्र आणि वैध ओळखपत्र सोबत ठेवणे बंधनकारक आहे. ओळखपत्र आणि प्रवेशपत्राशिवाय तुम्हाला परीक्षा हॉलमध्ये प्रवेश दिला जाणार नाही. परीक्षेची प्रवेशपत्रे परीक्षेच्या तारखेच्या दोन किंवा तीन दिवस आधी डाउनलोड करण्यासाठी प्रसिद्ध केली जाऊ शकतात. उमेदवार केवळ अधिकृत वेबसाइटवरून प्रवेशपत्र डाउनलोड करू शकतात.