NTA कडून CUET PG साठी विषयांची यादी जाहीर
अधिसूचनेत, देशभरातील ज्या शहरांमध्ये NTA द्वारे परीक्षा घेतली जाईल त्यांची यादी देखील जाहीर करण्यात आली आहे. याशिवाय ही परीक्षा २७ परदेशी केंद्रांवरही घेतली जाईल. NTA च्या अधिकृत वेबसाइटवर ही यादी प्रसिद्ध करण्यात आली आहे.
eduvarta@gmail.com 
एज्युवार्ता न्यूज नेटवर्क
कॉमन युनिव्हर्सिटी एन्ट्रन्स टेस्ट (Common University Entrance Test) CUET पदव्युत्तर (post graduate) PG २०२५ साठी ऑनलाइन अर्ज प्रक्रिया सुरू झाली आहे. देशभरातील विविध विद्यापीठे/संस्थांमध्ये प्रवेश घेऊ इच्छिणारे सर्व उमेदवार १ फेब्रुवारीपर्यंत या प्रवेश परीक्षेसाठी फॉर्म भरू शकतात. CUET PG च्या माध्यमातून विद्यार्थी ज्या अभ्यासक्रमात प्रवेश घेऊ शकतील त्या अभ्यासक्रमांची यादी नॅशनल टेस्टिंग एजन्सीने (National Testing Agency) NTA जाहिर केली आहे. (NTA has announced the list of courses in which students can take admission through CUET PG)
अधिसूचनेनुसार, विद्यार्थी CUET PG द्वारे कॉमन प्रोग्राम्स, लँग्वेज प्रोग्राम्स, सायन्स प्रोग्राम्स, ह्युमॅनिटीज, एमटेक/हायर सायन्स आणि आचार्य प्रोग्राम्स अंतर्गत विविध अभ्यासक्रमांमध्ये प्रवेश घेऊ शकतील. अधिसूचनेत, देशभरातील ज्या शहरांमध्ये NTA द्वारे परीक्षा घेतली जाईल त्यांची यादी देखील जाहीर करण्यात आली आहे. याशिवाय ही परीक्षा २७ परदेशी केंद्रांवर घेतली जाईल. NTA च्या अधिकृत वेबसाइटवर ही यादी प्रसिद्ध करण्यात आली आहे.
या परीक्षेला बसण्यासाठी सामान्य श्रेणीतील उमेदवारांना १ हजार ४०० रुपये, ईडब्ल्यूएस, ओबीसी श्रेणीतील उमेदवारांना १ हजार २०० रुपये, एससी, एसटी श्रेणीतील उमेदवारांना १ हजार १०० रुपये आणि पीएच श्रेणीतील उमेदवारांना १ हजार रुपये परीक्षा शुल्क भरावे लागणार आहे. अतिरिक्त चाचणी पेपर शुल्क म्हणून सामान्य श्रेणीतून ७०० रुपये आणि इतर श्रेणीतून ६०० रुपये निश्चित करण्यात आले आहे. अधिक माहितीसाठी.
उमेदवार २ फेब्रुवारी पर्यंत अर्ज शुल्क भरू शकतात. त्यानंतर ३ ते ५ फेब्रुवारी दरम्यान अर्ज दुरूस्ती करता येऊ शकेल. उमेदवार अधिकृत वेबसाइटला भेट देऊ शकतात.
