एनसीईटी प्रवेश परीक्षेसाठी नोंदणी सुरू, १७ एप्रिल रोजी होणार परीक्षा
ही परीक्षा १७ एप्रिल २०२६ रोजी होईल. अर्ज करण्यासाठी उमेदवारांना परीक्षा शुल्क देखील भरावे लागेल. सामान्य उमेदवारांसाठी परीक्षा शुल्क १२०० रुपये, आर्थिकदृष्ट्या कमकुवत आणि इतर मागासवर्गीय उमेदवारांसाठी १००० रुपये आणि अनुसूचित जाती, जमाती आणि अपंग उमेदवारांसाठी ६५० रुपये आहे.
eduvarta@gmail.com 
एज्युवार्ता न्यूज नेटवर्क
राष्ट्रीय चाचणी संस्थेने (NTA) राष्ट्रीय सामायिक प्रवेश परीक्षा (CNTA) द्वारे चार वर्षांच्या एकात्मिक शिक्षक शिक्षण कार्यक्रम (ITEP) अंतर्गत प्रवेशासाठी ऑनलाइन अर्ज प्रक्रिया सुरू (Online application process begins) केली आहे. केंद्रीय आणि राज्य विद्यापीठे (CSU), आयआयटी आणि इतर अशा प्रतिष्ठित विद्यापीठांमध्ये प्रवेश घेऊ इच्छिणारे उमेदवार या प्रवेश परीक्षेसाठी ऑनलाइन अर्ज करू शकतात. अर्ज करण्याची अंतिम तारीख १० मार्च २०२६ (Closing date 10 March 2026) आहे. तर १७ एप्रिल रोजी परीक्षा होणार आहे.
अर्ज करण्याची शेवटची तारीख १० मार्च आहे. उमेदवारांना १२ ते १४ मार्च २०२६ दरम्यान त्यांच्या फॉर्ममध्ये सुधारणा करण्याची संधी दिली जाईल. ही परीक्षा १७ एप्रिल २०२६ रोजी होईल. अर्ज करण्यासाठी उमेदवारांना परीक्षा शुल्क देखील भरावे लागेल. सामान्य उमेदवारांसाठी परीक्षा शुल्क १२०० रुपये, आर्थिकदृष्ट्या कमकुवत आणि इतर मागासवर्गीय उमेदवारांसाठी १००० रुपये आणि अनुसूचित जाती, जमाती आणि अपंग उमेदवारांसाठी ६५० रुपये आहे.
एनसीईटी परीक्षा संगणक पद्धतीने घेतली जाईल. उमेदवारांना बहुपर्यायी प्रश्न विचारले जातील. ही परीक्षा देशभरातील विविध परीक्षा केंद्रांवर १३ भाषांमध्ये घेतली जाईल. उमेदवारांना सामान्य ज्ञान, चालू घडामोडी, संख्यात्मक क्षमता, तर्क आणि अध्यापन क्षमता या विषयांचे प्रश्न विचारले जातील.
असा भरा एनसीईटी अर्ज
एनटीएने घेतलेल्या राष्ट्रीय सामायिक प्रवेश परीक्षेसाठी अर्ज प्रक्रिया सुरू झाली आहे. अर्ज करण्यासाठी, प्रथम एनटीएचे अधिकृत संकेतस्थळ exams.nta.nic.in/ncet/ला भेट द्या. आता वेबसाइटच्या होमपेजवरील 'एनटीए एनसीईटी २०२६' नोंदणी लिंकवर क्लिक करा. लिंकवर क्लिक केल्यानंतर, तुमची वैयक्तिक माहिती भरा. तुमची स्वाक्षरी, फोटो आणि शैक्षणिक प्रमाणपत्रे अपलोड करा. त्यानंतर परीक्षा शुल्क भरा आणि शेवटी भरलेल्या अर्जाची प्रिंट काढून घ्या.
