आपली प्रेरणास्थाने मराठी साहित्यात:  डॉ. एस.एन.पठाण 

एज्युवार्ता न्यूज नेटवर्क 

 'तरुणांनी मराठी साहित्याचे वाचन करायला हवे. साहित्याच्या वाचनाने माणूस घडतो. इंग्रजी भाषा शिकायला हरकत नाही पण मराठी भाषा यायला हवी '.असे मत माजी कुलगुरू एस.एन. पठाण यांनी व्यक्त केले.

श्री शिवाजी मराठा सोसायटीचे समाजभूषण बाबूराव उर्फ अप्पासाहेब जेधे महाविद्यालयात मराठी भाषा संवर्धन पंधरवडाचे उद्घाटन राष्ट्रसंत तुकडोजी महाराज नागपूर विद्यापीठाचे माजी कुलगुरु डॉ.एस.एन. पठाण यांच्या हस्ते झाले. त्यावेळी ते बोलत होते.कार्यक्रमाच्या अध्यक्षस्थानी महाविद्यालयाचे प्राचार्य डॉ.दिपाली पाटील होत्या.

 मराठी भाषेच्या शिक्षणात मोठी ताकद आहे.असे सांगून डॉ.एस.एन.पठाण यांनी त्यांचे बालपण आणि त्यांचा जीवनप्रवास मांडला.प्राचार्य प्रा.डॉ.दीपाली पाटील यांनी अध्यक्षीय मनोगत व्यक्त करताना मराठी भाषा संवर्धन पंधरवडा कार्यक्रमानिमित्त शुभेच्छा दिल्या.कार्यक्रमाचे प्रास्ताविक मराठी विभागप्रमुख प्रा.वैशाली देठे यांनी केले.

या प्रसंगी कार्यक्रमास प्रा.सोनाली गोगावले,प्रा.प्रतिमा परदेशी,प्रा. डॉ.निता जगताप,प्रा. डॉ.दादाराव इंगळे,प्रा. डॉ.अर्चना गायकवाड,प्रा. डॉ.मंगेश जाधव,प्रा. डॉ.दिपक सुरवसे,प्रा. डॉ.विशाल गायकवाड,प्रा.दिलीप पवार आदी प्राध्यापक आणि विद्यार्थी मोठ्या संख्येने उपस्थित होते.कार्यक्रमाचे सूत्रसंचलन प्रा.डॉ.श्रीदेवी चांदणे यांनी केले. प्रमुख पाहुण्यांचा परिचय प्रा.प्रभाकर कोळी यांनी करून दिला आणि आभार प्रदर्शन डॉ.गजानन भोसले यांनी केले.