पदवीधारकांना सुवर्णसंधी, महाराष्ट्र बँकेत ५०० जागांसाठी भरती प्रक्रिया सुरू

एज्युवार्ता न्यूज नेटवर्क

सरकारी नोकरीच्या शोधात असलेल्या तरुणांसाठी महत्त्वाची बातमी समोर आली आहे. बँक ऑफ महाराष्ट्र (Bank of Maharashtra Recruitment) अंतर्गत जनरलिस्ट अधिकारी पदांच्या ५०० रिक्त जागा (Generalist Officer 500 vacancies) भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑनलाइन पद्धतीने करायचा आहे. अर्ज करण्याची शेवटची तारीख ३० ऑगस्ट (Last date to apply is 30th August) २०२५ आहे. 

बार्टी, TRTI, SARTHI, महाज्योती आणि ARTI स्पर्धा परीक्षेच्या अर्जासाठी मुदतवाढ

उमेदवाराने कोणत्याही शाखेतील पदवी किंवा एकात्मिक दुहेरी पदवी उत्तीर्ण असावी. त्यात किमान ६०% गुण असणे गरजेचे आहे. सीए (चार्टर्ड अकाउंटंट) उत्तीर्ण उमेदवारही अर्ज करू शकतात. आरक्षित प्रवर्गांसाठी (जसे अनुसूचित जाती, अनुसूचित जमाती, इतर मागासवर्गीय आणि दिव्यांग) ही टक्केवारी ५५% पर्यंत कमी आहे. किमान ३ वर्षांचा संबंधित क्षेत्रातील अनुभव असावा, ज्यात बँकिंग किंवा वित्तीय सेवा क्षेत्रातील कामाचा समावेश असू शकतो.

उमेदवाराचे वय ३१ जुलै २०२५ पर्यंत २२ ते ३५ वर्षांच्या दरम्यान असावे. अनुसूचित जाती आणि अनुसूचित जमाती प्रवर्गांसाठी ५ वर्षांची सवलत मिळेल, तर इतर मागासवर्गीयांसाठी ३ वर्षांची सवलत आहे. इतर आरक्षित प्रवर्गांसाठीही नियमांनुसार अतिरिक्त सवलती लागू करण्यात आल्या आहेत. तसेच अर्ज शुल्क खुल्यावर्गासाठी १ हजार १८० रुपये आहे तर राखीव वर्गासाठी ११८ रुपये आहे.ऑनलाईन अर्जाची लिंक आज १३ ऑगस्ट २०२५ पासून सुरु झाली आहे.