बार्टी मार्फत सीईटी २०२६ स्पर्धा परीक्षा पूर्व प्रशिक्षणासाठी ऑनलाईन अर्ज सुरू

एज्युवार्ता न्यूज नेटवर्क 

महाराष्ट्र सामाईक प्रवेश परीक्षा कक्षामार्फत (CET 2026) बार्टी, टीआरटीआय,(BARTI TRTI) सारथी, महाज्योती व आर्टी (MAHAJYOTI ARTI)  या संस्थांमार्फत त्यांच्या लाभार्थी गटाच्या आर्थिक तसेच सामाजिक विकासाकरिता (Beneficiary Groups Economic Development)  विविध प्रकल्प, योजना आणि स्पर्धा परीक्षा पूर्व प्रशिक्षण कार्यक्रम (Competitive Exam Pre-Training Programme) राबविले जातात. या अंतर्गत पात्र उमेदवारांना स्पर्धा परीक्षा यशस्वीरीत्या पार पाडण्यासाठी आवश्यक मार्गदर्शन आणि प्रशिक्षण उपलब्ध करून दिले जाते.

बार्टी मार्फत सन २०२६ करिता राबविण्यात येणाऱ्या विविध स्पर्धा परीक्षा पूर्व प्रशिक्षण कार्यक्रमाबाबतची जाहिरात बार्टीच्या अधिकृत संकेतस्थळ https://barticet2026.cbtexam.in वर तसेच विविध वर्तमानपत्रात प्रसिद्ध करण्यात आली आहे. या जाहिरातीद्वारे इच्छुक उमेदवारांना संपूर्ण माहिती उपलब्ध करण्यात आली आहे.

सन २०२६ करीता स्पर्धा परीक्षा पूर्व प्रशिक्षण कार्यक्रमाच्या सामायिक प्रवेश परीक्षेसाठी सीईटी २०२६ पात्र व इच्छुक उमेदवारांकडून ऑनलाईन अर्ज मागविण्यात येत आहेत. या परीक्षेद्वारे प्रशिक्षण कार्यक्रमासाठी प्रवेश निश्चित केला जाईल. अर्ज भरण्याची प्रक्रिया पूर्णपणे ऑनलाईन राबवण्यात येत आहे.

सामयिक प्रवेश परीक्षा सीईटी २०२६ ऑनलाईन अर्ज भरण्यासाठी अधिकृत लिंक https://barticet2026.cbtexam.in उपलब्ध करून देण्यात आली आहे. सर्व पात्र उमेदवारांनी याच अधिकृत लिंकचा वापर करून विहित वेळेत अर्ज सादर करावा. वेळेत अर्ज न भरल्यास संधी गमावण्याची शक्यता आहे, त्यामुळे इच्छुकांनी तात्काळ अर्ज प्रक्रिया पूर्ण करावी, असे आवाहन करण्यात आले आहे.