चिंताजनक! मराठवाडा विद्यापीठातील ९ अभ्यासक्रमांना एकही अर्ज नाही
विद्यापीठाच्या पदवी, पदव्युत्तर, पदविका आणि प्रमाणपत्र अभ्यासक्रमांसाठी आतापर्यंत २ हजार ९१० विद्यार्थ्यांनी नोंदणी केली आहे. यात मानव्यविद्या शाखेला सर्वाधिक प्रतिसाद मिळाला असून, त्यानंतर विज्ञान व तंत्रज्ञान शाखेला विद्यार्थ्यांनी पसंती दिली आहे.
eduvarta@gmail.com 
एज्युवार्ता न्यूज नेटवर्क
छत्रपती संभाजीनगर येथील डॉ. बाबासाहेब आंबेडकर मराठवाडा विद्यापीठाने (Dr. Babasaheb Ambedkar Marathwada University) सुरू केलेल्या अनेक विनाअनुदानित डिप्लोमा आणि पदव्युत्तर अभ्यासक्रमांना विद्यार्थ्यांनी पूर्ण नापसंती (Diploma and Postgraduate Courses) दिली आहे. तब्बल ९ अभ्यासक्रमांसाठी (No admissions for 9 courses) एकाही विद्यार्थ्याने अर्ज दाखल केला नाही. तर सुमारे १३ अभ्यासक्रमांसाठी केवळ एक-एक विद्यार्थ्याने अर्ज केला आहे. प्रवेश प्रक्रिया पूर्ण झाल्यानंतरच हे विद्यार्थी प्रत्यक्ष प्रवेश घेतील की नाही, हे स्पष्ट होईल. या नोंदणी आकडेवारीमुळे विद्यापीठाच्या अभ्यासक्रम नियोजनावर गंभीर प्रश्न (A completely serious question) उपस्थित झाले आहेत.
विद्यापीठाच्या पदवी, पदव्युत्तर, पदविका आणि प्रमाणपत्र अभ्यासक्रमांसाठी आतापर्यंत २ हजार ९१० विद्यार्थ्यांनी नोंदणी केली आहे. यात मानव्यविद्या शाखेला सर्वाधिक प्रतिसाद मिळाला असून, त्यानंतर विज्ञान व तंत्रज्ञान शाखेला विद्यार्थ्यांनी पसंती दिली आहे. नियमित अभ्यासक्रमांना चांगला प्रतिसाद मिळाला तरी नवीन आणि विशेष अभ्यासक्रमांना अपेक्षित विद्यार्थी मिळाले नाहीत. यामुळे विद्यापीठाने सुरू केलेल्या अनेक अभ्यासक्रमांच्या भवितव्याबाबत आता चिंता व्यक्त केली जात आहे.
शून्य प्रतिसाद मिळालेल्या अभ्यासक्रमांमध्ये एमएससी कन्झर्वेशन ऑफ बायोडायव्हर्सिटी, एमएससी गणित (नॉन ग्रँट), डिप्लोमा इन अप्लाईड ऑप्टिकलवेअर, अॅक्वाकल्चर, फ्रूट अँड व्हेजिटेबल प्रोसेसिंग, लाईव्हस्टॉक प्रॉडक्शन, चायनीज भाषा, एमए इन टायपोग्राफी आणि दलित थिएटर स्टडीज अँड आंबेडकरी जलसा या अभ्यासक्रमांचा समावेश आहे. या सर्व अभ्यासक्रमांना एकही अर्ज दाखल झाला नाही.
एमएससी इलेक्ट्रॉनिक्स, एमएससी हर्बल टेक्नॉलॉजी, अॅडव्हान्स डिप्लोमा इन प्रिंटिंग टेक्नॉलॉजी, डिप्लोमा इन हॉर्टिकल्चर, प्लांट टिश्यू कल्चर टेक्नॉलॉजी, अॅडव्हेंचर टुरिझम, बौद्धिस्ट टुरिझम, मेडिकल टुरिझम, मास्टर ऑफ आर्ट्स महात्मा फुले-डॉ. बाबासाहेब आंबेडकर थॉट्स आणि पोस्ट ग्रॅज्युएट डिप्लोमा इन पॅकेजिंग स्टडीज या अभ्यासक्रमांसाठी केवळ एक ते तीन विद्यार्थ्यांनी नोंदणी केली आहे.
शून्य किंवा अत्यंत कमी नोंदणीमुळे विद्यापीठाच्या नियोजनावर आश्चर्य व्यक्त केले जात आहे. आगामी काळात अभ्यासक्रमांचे पुनरावलोकन करून विद्यार्थ्यांना आकर्षित करतील असे व्यावहारिक, कौशल्याधिष्ठित आणि रोजगारक्षम अभ्यासक्रम राबवण्याची गरज आहे. सध्या उपलब्ध आकडेवारी विद्यापीठ प्रशासनासाठी विचार करण्यासारखी आहे.
