JEE, NEET आणि इतर स्पर्धात्मक परीक्षांच्या तयारीसाठी NCERT कडून 'साथी' पोर्टल सुरू 

एज्युवार्ता न्यूज पोर्टल 

नॅशनल कौन्सिल ऑफ एज्युकेशनल रिसर्च अँड ट्रेनिंग (National Council of Educational Research and Training) NCERT ने विद्यार्थ्यांना संयुक्त प्रवेश परीक्षा (Joint Entrance Examination) JEE, राष्ट्रीय पात्रता सह प्रवेश परीक्षा ( National Eligibility cum Entrance Test)  NEET आणि इतर स्पर्धात्मक परीक्षांच्या तयारीसाठी (For preparation of other competitive exams) आणि मदत करण्यासाठी 'SAATHI पोर्टल 2024' (SAATHI Portal 2024) सुरू केले आहे. या पोर्टलवर हिंदी, इंग्रजी आणि इतर प्रादेशिक भाषांमध्ये अभ्यास संसाधने उपलब्ध आहेत. या सुविधेचा लाभ घेण्यासाठी विद्यार्थ्यांना अधिकृत वेबसाइटवर नोंदणी करावी लागेल.

'साथी' प्लॅटफॉर्म हे पूर्णपणे ऑनलाइन माध्यम असून स्पर्धा परीक्षांची तयारी करणाऱ्या विद्यार्थ्यांसाठी डिझाइन केलेले आहे. या पोर्टलद्वारे विद्यार्थ्यांना विनामूल्य शैक्षणिक साहित्य, व्हिडिओ धडे, मॉक टेस्ट आणि तज्ञांचे मार्गदर्शन उपलब्ध होईल. आतापर्यंत 4.37 लाखांहून अधिक विद्यार्थ्यांनी या उपक्रमात नोंदणी केली आहे. पोर्टलवर साइन अप केल्यानंतर, विद्यार्थी विविध परीक्षांची तयारी करू शकतात. त्यांना थेट धडे, शिकवणी, NCERT-आधारित पुस्तके आणि व्हिडिओ सोल्यूशन्समध्ये पाहता येतील. मर्यादित इंटरनेट कनेक्टिव्हिटी असलेल्या भागात पोहोचण्यासाठी, हा कार्यक्रम डीटीएच चॅनेलद्वारे प्रसारित केला जातो. याव्यतिरिक्त, एक चॅटबॉट देखील आहे जो विद्यार्थ्यांना त्यांच्या शंका, प्रश्न सोडवण्यास मदत करतो. 

अशी करता येईल नोंदणी 
तुम्हाला तुमचे नाव, ईमेल पत्ता आणि शैक्षणिक माहिती NCERT साथी पोर्टलवर भरावी लागेल. यानंतर, ते JEE, NEET किंवा SSC सारख्या त्यांच्या इच्छित स्पर्धा परीक्षा निवडू शकतात. नोंदणीनंतर, विद्यार्थी थेट सत्रांमध्ये सहभागी होऊ शकतात आणि अभ्यासक्रमात  प्रवेश करू शकतात.