अनुवादक कनिष्ठ आणि वरिष्ठ हिंदी अनुवादक परीक्षेचे वेळापत्रक जाहीर

एज्युवार्ता न्यूज नेटवर्क 

स्टाफ सिलेक्शन कमिशनच्या (SSC) अनुवादक कनिष्ठ आणि वरिष्ठ हिंदी अनुवादक भरती (Junior and Senior Hindi Translator recruitment) आणि स्टेनोग्राफर भरतीसाठी  (Stenographer Recruitment)  इच्छुक असलेल्या उमेदवारांसाठी एक मोठी बातमी आहे. स्टाफ सिलेक्शन कमिशनने (SSC) या दोन्ही भरतीसाठी अधिसूचना प्रसिद्ध केल्या असून परीक्षेच्या वेळापत्रकाबद्दल (Exam Timetable) माहिती प्रसिध्द केली आहे. अधिसूचनेनुसार, देशभरात SSC द्वारे या भरती परीक्षा डिसेंबर 2024 मध्ये आयोजित केल्या जातील.

SSC ने अधिकृत वेबसाइट ssc.gov.in वर शेअर केलेल्या अधिसूचनेनुसार, हिंदी अनुवादक परीक्षा (संयुक्त हिंदी अनुवादक परीक्षा) 2024 (पेपर-I) 9 डिसेंबर 2024 रोजी आयोजित केली जाणार आहे, तर स्टेनोग्राफर भरती परीक्षा (स्टेनोग्राफर ग्रेड 'सी) 'आणि 'डी' परीक्षा 2024 (CBE) 10 ते 12 डिसेंबर 2024 दरम्यान आयोजित केली जाणार आहे.

या भरतीसाठी अर्ज केलेल्या सर्व उमेदवारांची हॉल तिकीट (Exam Hallticket) परीक्षेच्या काही दिवस आधी डाउनलोड करण्यासाठी उपलब्ध करून दिली जाणार आहेत.हॉल तिकीट प्रसिद्ध होताच, लिंक अधिकृत वेबसाइटवर सक्रिय होईल. तिथून उमेदवार आवश्यक तपशील लॉगिन क्रेडेन्शियल्स प्रविष्ट करून डाउनलोड करू शकणार आहेत.

SSC स्टेनोग्राफर ग्रेड C आणि D अंतर्गत एकूण 2 हजार 6 रिक्त पदांची भरती होणार आहे, तर अनुवादक कनिष्ठ आणि वरिष्ठ हिंदी अनुवादकाच्या 312 रिक्त पदांची भरती केली जाणार आहे. भरतीशी संबंधित इतर तपशीलांसाठी, उमेदवार अधिकृत वेबसाइटला भेट देऊ शकतात.