संतापजनक! AI चा वापर करून शिक्षकाचा अल्पवयीन मुलीवर लैंगिक अत्याचार

एज्युवार्ता न्यूज नेटवर्क

इंटरनेटच्या डिजिटल युगात आता नव्या तंत्रज्ञानाची म्हणजेच एआयची (AI) चे आगमन झाले आहे. या AI चा वापर जेवढ्या चांगल्या गोष्टींसाठी केला जात आहे, तेवढ्याच वाईट गोष्टींसाठी केला जात असल्याच्या अनेक घटना समोर आल्या आहेत. AI तंत्रज्ञानाच्या (AI technology) माध्यमातून अनेक लोक शिक्षणाचे धडेही गिरवत असल्याचे समोर आले आहे. मात्र, परभणी जिल्ह्यातील (Parbhani Crime News) सेलू येथे एका शिक्षकाने याच एआय तंत्रज्ञानाचा गैरवापर करून अल्पवयीन मुलीला धमकी देत तिच्यावर लैंगिक अत्याचार (Sexual assault on a girl) केल्याची संतापजनक घटना समोर आली आहे.

वैद्यकीय अभ्यासक्रमाच्या दोन फेऱ्या पूर्ण, तिसऱ्या फेरीसाठी 'एवढ्या' जागा रिक्त

अल्पवयीन मुलीसोबत असे घाणेरडे कृत्य करणाऱ्या आरोपी शिक्षकाचे नाव संतोष मालसवाड असे आहे. या नराधम शिक्षकाने पीडित मुलीचा कपडे चेंज करतानाचा चोरून व्हिडीओ काढला. त्यानंतर हा व्हिडिओ व्हायरल करण्याची धमकी देऊन त्याने मुलीवर सतत लैंगिक अत्याचार केला. आरोपी शिक्षकाने व्हिडीओ सोबतच एआयचा वापर करून तिच्या फोटोमध्येही बदल केले. त्यानंतर तिला धमकी दिली. याप्रकरणी आरोपी शिक्षकासह अन्य तीन जणांविरोधात पोक्सो कायद्यांतर्गत गुन्हा दाखल करण्यात आला असून 3 जणांना ताब्यात घेण्यात आले आहे. या प्रकरणी पोलिसांकडून पुढील तपास सुरू आहे.

मिळालेल्या माहितीनुसार, परभणी जिल्ह्यातील सेलू येथे एका धक्कादायक घटनेमुळे संतापाची लाट पसरली आहे. येथे शिक्षकी पेशेला काळीमा फासणारी घटना घडली आहे. संतोष मालसवाड नावाच्या शिक्षकाने एआय तंत्रज्ञानाचा वापर करून एका अल्पवयीन मुलीवर अत्याचार केल्याची घटना समोर आली आहे. आरोपी शिक्षकाने पीडित मुलीचे कपडे बदलताना व्हिडीओ काढला आणि तिचे फोटो एआयच्या माध्यमातून बदलले. त्यानंतर त्याने पीडितेला धमकी दिली आणि तिच्यावर अत्याचार केला. या घटनेमुळे संपूर्ण परभणी जिल्हा हादरला असून पोलिसांनी आरोपी शिक्षकासह इतर तीन जणांविरोधात पोक्सो अंतर्गत गुन्हा दाखल केला आहे.