पोलीस भरती'फेक पोर्टल' चा पर्दाफाश, सायबर पोलिसांकडून चौकशी सुरू
हा एक प्रकारचा माहिती चोरण्याचा प्रयत्न असू शकतो उमेदवारांनी अशा ठिकाणी वैयक्तिक माहिती देऊ नये. आधार क्रमांक किंवा बैंक डिटेल्स भरू नये, माहिती दिल्यास आर्थिक फसवणूक होण्याची शक्यता आहे. केवळ अधिकृत सरकारी वेबसाइट्स आणि पोलीस विभागाच्या सूचनांवरच विद्यास ठेवावा, असे आवाहन पुणे सायबर सेलकडून उमेदवारांना करण्यात आले आहे.
eduvarta@gmail.com 
एज्युवार्ता न्यूज नेटवर्क
पोलीस होण्याचे स्वप्न पाहाणाऱ्या (Police Recruitment) तरुणांसाठी महत्त्वाची अपडेट समोर आली आहे. भावी पोलिसांची फसवणूक करण्याच्या उद्देशाने एक बनावट महाराष्ट्र राज्य पोलीस भरती पोर्टल (Police Recruitment Fake Portal) उघडकीस आले आहे. ज्या पोर्टलची लिंक testmsp.mahaitgov.in/Forms/Home.aspx अशी आहे, ते पोर्टल सध्या चर्चेत आहे. हे पोर्टल पोलीस भरती प्रक्रिया २०२४-२०२५ (Police Recruitment Process 2024-2025) साठी अर्ज स्वीकारत असल्याचा दावा करत होते. मात्र पुणे सायबर पोलिसांच्या तपासात ते बनावट असल्याचे स्पष्ट झाले आहे. या बनावट पोर्टलमुळे अनेक इच्छुक आणि तयारी करणारे उमेदवार संभ्रमात पडले होते. मात्र, सत्य बाहेर आणण्यासाठी महा आयटी (Maha IT) आणि पुणे सायबर सेलने (Pune Cyber Cell) याबाबतची माहिती घेतली. ज्यात धक्कादायक खुलासे झाले आहेत.
इतिहास घडणार! एकाच दिवशी अनुकंपाच्या १० हजार उमेदवारांना नियुक्तीपत्रे प्रदान
आम्ही या बनावट पोर्टलची नोंद घेतली आहे आणि यामागे कोण आहे याचा तपास सुरू करण्यात आला आहे. ही एक प्रकारचा माहिती चोरण्याचा प्रयत्न असू शकतो. उमेदवारांनी अशा ठिकाणी वैयक्तिक माहिती देऊ नये. आधार क्रमांक किंवा बैंक डिटेल्स भरू नये, माहिती दिल्यास आर्थिक फसवणूक होण्याची शक्यता आहे. केवळ अधिकृत सरकारी वेबसाइट्स आणि पोलीस विभागाच्या सूचनांवरच विश्वास ठेवावा, असे आवाहन पुणे सायबर सेलकडून उमेदवारांना करण्यात आले आहे.
__________________________________________
'सदर् पोर्टल (testmsp.mahaitgov.in) हे आमचे नाही आणि हे पर्णपणे बनावट आहे. महाराष्ट्र राज्य पोलीस भरती प्रक्रिया सुरू करावी असा कोणताच प्रस्ताव आमच्याकडे आलेला नाही. सर्व उमेदवारांनी अशा कोणत्याही बनावट माहितीवर विश्वास ठेव नये, तसेच अधिकृत सूचनांची प्रतीक्षा करावी. भरती प्रक्रिया नेहमी mahait कडूनच राबविली जाते. परंतु सध्या तरी कोणताच अधिकृत प्रस्ताव आलेला नाही आणि टेस्टिंग स्वरुपात पोलीस भरतीच्या कोणत्याच पोर्टलवर आमच्याकडून काम सुरू झालेले नाही. पोलीस भरतीची अधिकृत वेबसाईट https://www.mahapolice.gov.in ही आहे. इतर कोणत्याही पोर्टलवर उमेदवारांनी विश्वास ठेवून आपली वैयक्तिक माहिती देऊ नये.
- पुणे सायबर सेल, (महा आयटी)
