बारावीच्या सर्व विद्यार्थ्यांना मार्कशीट सोमवारी मिळणार

नऊ विभागीय मंडळामार्फत फेब्रुवारी-मार्च 2026 मध्ये घेण्यात आलेल्या इयत्ता बारावीच्या परीक्षेचा निकाल ऑनलाईन पद्धतीने जाहीर झाला. बारावीचा निकाल 2 मे रोजी जाहीर झाला असला तरी विद्यार्थ्यांना प्रत्यक्षात गुणपत्रिका हातात मिळण्यासाठी 23 दिवस वाट पहावी लागली.

May 23, 2026 - 12:42 Updated: May 23, 2026 - 12:49

बारावीच्या सर्व विद्यार्थ्यांना मार्कशीट सोमवारी मिळणार

एज्युवार्ता न्यूज नेटवर्क

महाराष्ट्र राज्य माध्यमिक उच्च माध्यमिक शिक्षण मंडळातर्फे घेण्यात आलेल्या इयत्ता बारावीच्या परीक्षेचा ऑनलाईन निकाल जाहीर करण्यात आला. त्यानंतर आता विद्यार्थ्यांना येत्या सोमवारी 25 मे रोजी गुणपत्रिकांचे वितरण केले जाणार आहे, असे राज्य मंडळातर्फे परिपत्रकाद्वारे प्रसिद्ध करण्यात आले आहे.

राज्य मंडळाच्या पुणे ,नागपूर ,छत्रपती संभाजीनगर ,मुंबई ,कोल्हापूर ,अमरावती, नाशिक ,लातूर व कोकण या नऊ विभागीय मंडळामार्फत फेब्रुवारी-मार्च 2026 मध्ये घेण्यात आलेल्या इयत्ता बारावीच्या परीक्षेचा निकाल ऑनलाईन पद्धतीने जाहीर झाला. बारावीचा निकाल 2 मे रोजी जाहीर झाला असला तरी विद्यार्थ्यांना प्रत्यक्षात गुणपत्रिका हातात मिळण्यासाठी 23 दिवस वाट पहावी लागली.

बारावीचे गुणपत्रक ,प्रमाणपत्र स्थलांतर प्रमाणपत्र व तपशीलवार गुण दर्शवणारे शालेय अभिलेख यांचे वाटप संबंधित विभागीय मंडळामार्फत सर्व मान्यताप्राप्त शाळा व कनिष्ठ महाविद्यालयांना सोमवारी सकाळी 11 वाजता करण्यात येणार आहे. त्याच दिवशी दुपारी तीन वाजता शाळा व महाविद्यालयातर्फे विद्यार्थ्यांना गुणपत्रक व प्रमाणपत्राचे वाटप करण्यात येणार आहे.