ज्ञानज्योती सावित्रीबाई फुले पुरस्कारांची घोषणा
ज्ञानज्योती सावित्रीबाई फुले पुरस्कारासाठी पुणे विभागातून आंबेगाव तालुक्यातील उगलेवाडी येथील जनाबाई सीताराम उगले यांची निवड झाली आहे.
eduvarta@gmail.com 
एज्युवार्ता न्यूज नेटवर्क
राज्याच्या उच्च शिक्षण विभागातर्फे दिल्या जाणाऱ्या 2022-23 च्या ज्ञानज्योती सावित्रीबाई फुले पुरस्कारांची घोषणा करण्यात आली आहे.प्रत्येक महसूल विभागातून एक अशा सहा पुरस्कारर्थी महिलांची नावे निवडण्यात आली असून उच्च शिक्षण संचालक कार्यालयाला पुरस्कार वितरण कार्यक्रमाचे आयोजन करण्याच्या सूचना देण्यात आल्या आहेत.
ज्ञानज्योती सावित्रीबाई फुले पुरस्कारासाठी पुणे विभागातून आंबेगाव तालुक्यातील उगलेवाडी येथील जनाबाई सीताराम उगले यांची तर नाशिक विभागातून अहिल्यानगर, संवेडी येथील प्राजक्ता गिरीश कुलकर्णी यांची निवड करण्यात आली आहे. तसेच कोकण विभागातून नेरूळ येथील फुलन शिंदे यांची तर छत्रपती संभाजीनगर विभागातून सोयगाव तालुक्यातील शिवाजी नगर आमखेडा येथील मीनाक्षी बिराजदार यांची तसेच अमरावती विभागातून बुलढाणा जिलह्यातील मेहकर तालुक्यातील बालाजीनगर येथील वनिता अंभोरे यांची आणि नागपूर विभागातून शालिनी सस्केना यांची निवड करण्यात आली आहे.
