स्पर्धा परीक्षेची तयारी करणाऱ्या विद्यार्थ्याचा अपघाती मृत्यू

एज्युवार्ता न्यूज नेटवर्क 

पुणे शहरात स्पर्धा परीक्षेची तयारी (Preparation for competitive exams) करणाऱ्या विद्यार्थ्याचा लोणी-काळभोर येथे अपघाती (Accident at Loni-Kalbhor) मृत्यू झाल्याची धक्कादायक माहिती समोर आली आहे. मित्राच्या विवाह समारंभावरून घरी निघालेल्या दुचाकीस्वार तरुणाचा दुभाजकावर आदळून मृत्यू झाल्याची घटना पुणे-सोलापूर महामार्गावरील लोणी काळभोर परिसरात घडली. अपघातात दुचाकीवरील सहप्रवासी तरुण गंभीर जखमी झाला आहे. समाधान संभाजी भिटे (Accidental death of Samadhan Bhite) (वय ३१ वर्षे) रा. नीर निंबगाव, ता. इंदापूर, जि. पुणे असे मृत्युमुखी पडलेल्या दुचाकीस्वार तरुणाचे नाव आहे. 

अपघातात मृत्युमुखी पडलेला तरुण पुण्यातील 'स्व-रूपवर्धिनी' संस्थेत एमपीएससी परीक्षेची तयारी करत होता. मृत समाधान भिटे आणि त्याचा मित्र पोलीस उपनिरीक्षक मयूर सुनील डोंगरे (वय २९) हे दोघे मित्राच्या विवाहाला गेले होते. समारंभ आवरून पुण्याकडे निघालेल्या या दोघांचा लोणी काळभोर परिसरात भीषण अपघात झाला. यामध्ये समाधानचा जागीच मृत्यू झाला तर सहप्रवाशी असलेले आयपीएस मयूर गंभीर जखमी झाले आहेत. 

पोलिसांनी दिलेल्या माहितीनुसार, मयूर डोंगरे मुंबई पोलीस दलात उपनिरीक्षक आहेत. समाधान भिटे आणि त्यांचा भाऊ सध्या मंगळवार पेठेत राहायला होते. 'स्व-रूपवर्धिनी' संस्थेत ते स्पर्धा परीक्षेची तयारी करत होते. समाधान आणि मयूर यांचा मित्र उपजिल्हाधिकारी आहे. त्याचा विवाह शनिवारी (१० मे) लोणी काळभोर भागातील सोरतापवाडीतील एका मंगल कार्यालयात पार पडला. समाधान आणि मयूर शुक्रवारी रात्री पावणेबाराच्या सुमारास कार्यक्रम आटोपून दुचाकीवरून घरी निघाले होते. पुणे-सोलापूर महामार्गावरील कवडीपाट परिसरात भरधाव दुचाकीवरील नियंत्रण सुटले आणि दुचाकी दुभाजकावर आदळली. अपघातात समाधान आणि सहप्रवासी मयूर जखमी झाले.