तिसरीच्या वर्गात शिकणाऱ्या विद्यार्थिनीचा 'हार्ट अटॅक'ने मृत्यू

एज्युवार्ता न्यूज नेटवर्क 

इयत्ता तिसरीच्या वर्गात शिकणाऱ्या आठ वर्षीय विद्यार्थिनीचा एका खासगी शाळेत शुक्रवारी दुर्दैवी मृत्यू (Death of an eight-year-old student) झाल्याची घटना अहमदाबादमध्ये (Ahmedabad School News) घडली. गार्गी रानपरा असे मयत मुलीचे नाव आहे. वर्गात जात असतानाच गार्गी अचानक कोसळली. यानंतर तिला शाळेत सीपीआर दिल्यानंतर रुग्णालयात नेले. मात्र डॉक्टरांनी तिला मृत घोषित केले.

अहमदाबाद येथील जेबर स्कूलमध्ये ही हृदयद्रावक घटना घडली आहे. गार्गीचे आई-वडील मुंबईत राहतात. गार्गी आजी-आजोबांसोबत अहमदाबादमध्ये राहत होती. कार्डिअॅक अरेस्टमुळे गार्गीचा मृत्यू झाल्याचे प्राथमिक तपासातून कळते. गार्गीला अस्वस्थ वाटत होते तेव्हा तेथे तीन शिक्षिका गप्पा मारत उभ्या होत्या. वेळीच शिक्षिकांचे लक्ष तिच्याकडे गेले असते तर कदाचित गार्गीचा जीव वाचू शकला असता.

गार्गी रानपरा ही सकाळी आठच्या सुमारास शाळेत पोहोचली होती. पायऱ्या चढत असताना अचानक तिच्या छातीत दुखू लागले. वेदना झाल्यानंतर ती लॉबीतील बेंचवर बसली आणि काही सेकंदात जमिनीवर पडली. शाळेच्या कर्मचाऱ्यांनी मुलीला रुग्णालयात पाठवले. मात्र, डॉक्टरांनी तिला मृत घोषित केले.

तिसरीत शिकणाऱ्या आठ वर्षाच्या चिमुकलीला शाळेतच आला हार्ट अटॅक !
.
.
.#heartattack #cardiacarrest #gujrat #students #school #childheartattack #education #health #studentshealth #ahemedabad #ahemedabadschool #schoolgirl #viralvideo #educationalnews pic.twitter.com/d2Wf47YQlw

— Edu Varta (@EduvartaNews) January 11, 2025

कर्नाटकातील चामराजनगर जिल्ह्यातही गुरुवारी असाच प्रकार घडला होता. येथील सेंट फ्रान्सिस शाळेत ८ वर्षीय तेजस्विनी हिने लिहिलेले उत्तर दाखविण्यासाठी वर्गात जागेवरून उठली आणि बेशुद्ध पडली. यात तिचा मृत्यू झाला. येथे देखील डॉक्टरांनी हृदयविकाराचा झटका हे मुलीच्या मृत्यूचे संभाव्य कारण असल्याचे सांगितले आहे.