पीएम यंग अचिव्हर्स स्कॉलरशिपचा अर्ज भरला का? उरले फक्त दोन दिवस
अर्ज भरताना विद्यार्थ्यांकडून काही चूक झाली असेल, तर ते ऑनलाइन माध्यमातून दुरुस्ती करू शकतील. NTA द्वारे १८ ऑगस्ट रोजी दुरूस्तीसाठी सुविधा उफलब्ध करून दिली जाईल.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सी (NTA) कडून देण्यात येणाऱ्या पंतप्रधान यंग अचिव्हर्स शिष्यवृत्तीसाठी (PM young achievers scholarship 2023) अर्ज करण्यासाठी आता केवळ दोन दिवस उरले आहेत. इच्छूक असणाऱ्या विद्यार्थ्यांना १७ ऑगस्ट पर्यंत ऑनलाइन अर्ज करता येणार आहे. NTA च्या अधिकृत वेबसाइट yet.nta.ac.in वर उमेदवार अर्ज करू शकतात.
अर्ज भरताना विद्यार्थ्यांकडून काही चूक झाली असेल, तर ते ऑनलाइन माध्यमातून दुरुस्ती करू शकतील. NTA द्वारे १८ ऑगस्ट रोजी दुरूस्तीसाठी सुविधा उफलब्ध करून दिली जाईल. विद्यार्थ्यांना २२ ऑगस्ट पर्यंत अर्जात दुरुस्ती करता येईल. विद्यार्थी या नियोजित तारखांना त्यांचे लॉगिन क्रेडेन्शियल्स प्रविष्ट करून अर्जामध्ये त्रुटी दुरुस्त करू शकतील, असे NTA कडून सांगण्यात आले आहे.
5th, 8th Scholarship Exam : शिष्यवृत्ती परीक्षेसाठी १ सप्टेंबरपासून भरता येणार ऑनलाईन अर्ज
ओबीसी, इबीसी, डीएनटी अशा प्रवर्गातील इयत्ता ९ वी व ११ वी चे विद्यार्थी या शिष्यवृत्तीसाठी अर्ज करू शकतात. २ लाख ५० हजारांहून अधिक वार्षिक उत्पन्न असलेल्या पालकांच्या मुलांना या शिष्यवृत्तीचा फायदा घेता येणार नाही. पात्र विद्यार्थ्यांना ७५ हजार रुपयांपासून १ लाख २० हजार रुपयांपर्यंत शिष्यवृत्ती मिळू शकते.
शिष्यवृत्तीसाठी विद्यार्थ्यांची 'YASASVI ENTRANCE TEST 2023 ' ही परीक्षा घेतली जर आहे. यामाध्यमातून पात्र ठरणाऱ्या उमेदवारांना शिष्यवृत्ती दिली जाणार आहे. शिष्यवृत्तीसाठी देशभरातून १५ हजार विद्यार्थ्यांची निवड केली जाणार आहे. या शिष्यवृत्तसाठी आणि परीक्षेसाठी अर्ज करणाऱ्या वियार्थ्यांना कोणत्याही प्रकारचे शुल्क भरावे लागणार नाही.
असे असेल परीक्षेचे स्वरूप
* परीक्षा लेखी स्वरुपाची असून १०० वस्तुनिष्ठ बहुपर्यायी प्रश्न असतील.
* परीक्षा २.३० तासांची असेल
* ही परीक्षा इंग्रजी आणि हिंदी या दोन्ही भाषेत देता येणार आहे.
* २९ सप्टेंबर २०२३ रोजी ही परीक्षा घेण्यात येणार आहे.
अर्ज कसा करावा
* NTA च्या अधिकृत वेबसाइट yet.nta.ac.in ला भेट द्या.
* वेबसाइटच्या होम पेजवर 'New Candidate Register Here' वर क्लिक करून नोंदणी करा.
* नोंदणीकृत उमेदवार लॉगिन क्रेडेंशियल प्रविष्ट करून, विनंती केलेली सर्व माहिती योग्यरित्या भरा आणि अर्ज प्रक्रिया पूर्ण करा.
* शेवटी, पूर्णपणे भरलेल्या अर्जाची प्रिंटआउट घ्या.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
