आयसीएसआय निकालांची गुण पडताळणी सुविधा सुरू
आयसीएसआयने जारी केलेल्या अधिकृत सूचनेनुसार, “कोणताही उमेदवार त्याचा निकाल जाहीर झाल्यानंतर २१ दिवसांच्या आत सीएस परीक्षेच्या कोणत्याही विषयासाठी गुण पडताळणीसाठी अर्ज करू शकतो. विहित प्रक्रियेनुसार SMASH पोर्टलद्वारे अर्ज करता येऊ शकेल.
eduvarta@gmail.com 
एज्युवार्ता न्यूज नेटवर्क
इन्स्टिट्यूट ऑफ कंपनी सेक्रेटरीज ऑफ इंडियाने (Institute of Company Secretaries of India) ICSI डिसेंबर २०२४ सत्रासाठी सीएस प्रोफेशनल आणि एक्झिक्युटिव्हचे निकाल जाहीर केले आहेत. जे उमेदवार त्यांच्या निकालांवर समाधानी नाही त्यांना गुण पडताळणीची संधी देण्यात आली आहे. (Candidates who are not satisfied with their CS results have been given the opportunity to verify their marks) उमेदवार १८ मार्च २०२५ पर्यंत गुण पडताळणीसाठी अर्ज करू शकतात.
आयसीएसआयने प्रसिद्ध केलेल्या अधिकृत सूचनेनुसार,“कोणताही उमेदवार त्याचा निकाल जाहीर झाल्यानंतर २१ दिवसांच्या आत सीएस परीक्षेच्या कोणत्याही विषयासाठी गुण पडताळणीसाठी अर्ज करू शकतो. विहित प्रक्रियेनुसार SMASH पोर्टलद्वारे अर्ज करता येऊ शकेल.
आयसीएसआयने डिसेंबर २०२४ सत्रासाठी सीएस प्रोफेशनलचे निकाल २५ फेब्रुवारी रोजी सकाळी ११ वाजता जाहीर केले, तर सीएस एक्झिक्युटिव्हचे निकाल दुपारी २ वाजता जाहीर करण्यात आले होते. निकाल ICSI च्या अधिकृत वेबसाइटवर icsi.edu उपलब्ध आहेत, जिथे उमेदवार त्यांचा १७-अंकी नोंदणी क्रमांक आणि रोल नंबर वापरून निकाल तपासू शकतात.
आयसीएसआयने डिसेंबर २०२४ सत्रासाठी सीएस प्रोफेशनलचे निकाल २५ फेब्रुवारी रोजी सकाळी ११ वाजता जाहीर केले, तर सीएस एक्झिक्युटिव्हचे निकाल दुपारी २ वाजता जाहीर करण्यात आले होते. निकाल ICSI च्या अधिकृत वेबसाइटवर icsi.edu उपलब्ध आहेत, जिथे उमेदवार त्यांचा १७-अंकी नोंदणी क्रमांक आणि रोल नंबर वापरून निकाल तपासू शकतात.
यासोबतच, ICSI ने २०२२ आणि २०१७ च्या अभ्यासक्रमांतर्गत CS प्रोफेशनल आणि एक्झिक्युटिव्ह परीक्षेतील टॉपर्सची यादी देखील जाहीर केली आहे.
आयसीएसआयने म्हटले आहे की, 'निकाल जाहीर झाल्यानंतर, निकाल-सह-गुणांचे विवरणपत्र उमेदवारांना त्यांच्या नोंदणीकृत पत्त्यावर पाठवले जाईल. जर कोणत्याही उमेदवाराला ३० दिवसांच्या आत गुणपत्रिकेची हार्ड कॉपी मिळाली नाही तर त्यांनी परीक्षा अधिकाऱ्यांशी (exam@icsi.edu) मेलद्वारे संपर्क साधावा.
गुण पडताळणीसाठी अर्ज कसा करावा?
उमेदवार आयसीएसआयच्या अधिकृत पोर्टलवर लॉग इन करून गुण पडताळणीसाठी अर्ज करू शकतात. यासाठी त्यांना त्यांचे युजर नेम आणि पासवर्ड वापरावा लागेल. अर्ज प्रक्रिया पूर्ण करण्यासाठी उमेदवारांना प्रत्येक विषयासाठी २५० रुपये शुल्क भरावे लागेल. हे शुल्क रिफंडेबल नसेल.
