एफएमजीई जून सत्रासाठी नोंदणी प्रक्रिया सुरू; 'या' तारखेपर्यंत करता येईल अर्ज 

परदेशातून वैद्यकीय पदवी घेणाऱ्या उमेदवारांसाठी एक महत्त्वाची माहिती आहे. नॅशनल बोर्ड ऑफ एक्झामिनेशन इन मेडिकल सायन्सेस (National Board of Examination in Medical Sciences) NBEMS ने  नोंदणी प्रक्रिया सुरू केली आहे. (The registration process has started) NBEMS FMGE जून २०२५ साठी नोंदणी करू इच्छिणारे इच्छुक उमेदवार NBEMS च्या अधिकृत वेबसाइट natboard.edu.in वर जाऊन ऑनलाइन अर्ज करू शकतात. अर्ज भरण्याची अंतिम मुदत १७ मे (रात्री ११:५५) पर्यंत राहील.

बोर्डाने जाहीर केलेल्या अधिकृत कॅलेंडरनुसार, सर्व शुल्क भरल्यानंतर फॉर्म एडिटिंगसाठी विंडो २२ ते २४ मे २०२५ पर्यंत खुली असेल. अंतिम एडिट विंडो ६ जून ते ९ जून पर्यंत उपलब्ध असेल. या कालावधीत, उमेदवार त्यांचे अपलोड केलेल्या अर्जात  काही त्रुटी असतील तर ते दुरुस्त करू शकतात. अर्जात अपलोड केलेल्या कागदपत्रांशी संबंधित त्रुटी दूर करण्याची शेवटची संधी १० जुलै (रात्री ११:५५) पर्यंत असेल.

NBEMS FMGE जून २०२५ ची परीक्षा २६ जुलै २०२५ रोजी घेतली जाईल. या परीक्षेत बसणाऱ्या उमेदवारांना १० जुलैपर्यंत सिटी स्लिप आणि २२ जुलै २०२५ पर्यंत प्रवेशपत्रे दिली जातील. परीक्षेनंतर, निकाल २६ ऑगस्ट २०२५ रोजी जाहीर केला जाईल.

जून २०२५ च्या FMGE नोंदणी शुल्क ५,२५० रुपये आहे, ज्यामध्ये १८% (९४५ रुपये) GST समाविष्ट असेल. परीक्षेसाठी एकूण ६,१९५ रुपये द्यावे लागतील.

अर्ज प्रक्रियेदरम्यान उमेदवारांना अलीकडील २ छायाचित्रे अपलोड करणे आवश्यक आहे. फोटोचा कमाल आकार ८० केबी असावा. उमेदवाराला पांढऱ्या पानावर स्वाक्षरी करावी लागेल आणि JPEG किंवा JPG स्वरूपात प्रतिमा अपलोड करावी लागेल.
उमेदवाराला निळ्या किंवा काळ्या शाईने अंगठ्याचा ठसा द्यावा लागेल आणि तो २०० डीपीआयच्या स्कॅनर रिझोल्यूशनसह अपलोड करावा लागेल.

 अर्ज कसा करावा?

* प्रथम NBEMS ची अधिकृत वेबसाइट natboard.edu.in ला भेट द्या.
* होम पेजवरील FMGE जून २०२५ लिंकवर क्लिक करा.
* आता एक नवीन पेज उघडेल जिथे उमेदवारांना नोंदणी लिंक मिळेल.
* नोंदणी तपशील प्रविष्ट करा आणि सबमिट वर क्लिक करा.
* अर्ज भरा आणि अर्ज शुल्क भरा.
* सबमिट वर क्लिक करा आणि पेज डाउनलोड करा.
* पुढील गरजेसाठी त्याची हार्ड कॉपी ठेवा.