TET पेपर फोडणाऱ्या मुख्य सूत्रधाराच्या बायकोला अटक; सुमनकुमारी गुप्ता कोण?
मुंबई पोलीस पेपर फुटीचा मुख्य सूत्रधार वीरेंद्र गुप्ता आणि त्याचा साथीदार कपिल दहिया यांचा शोध घेत आहेत. वीरेंद्र गुप्ता हा पटना येथील चंद्रशेखर पार्क परिसरात राहत असल्याची माहिती पोलिसांना मिळाली होती. त्याचा तपास घेण्यासाठी पोलीस पथक बिहार येथे दाखल झाले. पोलिसांनी मंगळवारी पहाटे साडेसहाच्या सुमारास सुमन कुमारी हिला अटक केली.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेतर्फे घेतल्या जाणाऱ्या शिक्षक पात्रता परीक्षा (टीईटी पेपर) फुटीचा मुख्य सूत्रधार बिहार येथील विजेंद्र गुप्ता असल्याची माहिती समोर आली असून ठाणे पोलिसांच्या विशेष पथकाने पटणा येथून वीरेंद्र गुप्ताची पत्नी सुमनकुमारी गुप्ता हिला अटक केली आहे. मुख्य आरोपी वीरेंद्र गुप्ता व त्याचा सहकारी फरार असून पोलीस त्यांचा शोध घेत आहेत. दरम्यान सुमनकुमारी हिला 6 जुलै पर्यंत न्यायालयाने पोलीस कोठडी सुनावली आहे.
परीक्षा परिषदेतर्फे 28 जुलै रोजी घेतला जाणारा टीईटीचा पेपर परीक्षेच्या एक दिवस आधी भिवंडी येथील कोनगाव परिसरात विक्रीसाठी आणला गेल्याची माहिती मुंबई पोलिसांना समजली. त्यावर पोलिसांनी सापळा रचून राजीव शाव,आकाश कुमार आणि धीरज सिंग या तिघांना अटक केली. तसेच टीईटी परीक्षेच्या प्रश्नपत्रिका जप्त केल्या. टीईटी पेपर फुटीसाठी स्थापन करण्यात आलेल्या विशेष तपास पथकाने या संदर्भातील पुढील तपास करण्यासाठी दिल्ली, आग्रा, बिहार आणि हरियाणा येथे धाडी टाकल्या. तपासा दरम्यान वीरेंद्र गुप्ता हा पेपर फुटीचा मुख्य सूत्रधार असल्याची माहिती समोर आली.
सध्या मुंबई पोलीस पेपर फुटीचा मुख्य सूत्रधार वीरेंद्र गुप्ता आणि त्याचा साथीदार कपिल दहिया यांचा शोध घेत आहेत. वीरेंद्र गुप्ता हा पटना येथील चंद्रशेखर पार्क परिसरात राहत असल्याची माहिती पोलिसांना मिळाली होती. त्याचा तपास घेण्यासाठी पोलीस पथक बिहार येथे दाखल झाले. पोलिसांनी मंगळवारी पहाटे साडेसहाच्या सुमारास सुमन कुमारी हिला अटक केली.तिच्या राहत्या घरातून अटक केली.
सुमनकुमारी ही फरार आरोपी वीरेंद्र गुप्ता याच्या वारंवार संपर्कात असल्याचे समोर आले. पेपर फुटी प्रकरणात तिच्या बँक खात्यात काही व्यवहार झाले असल्याचे आढळून आले असून त्याची पडताळणी केली जात आहे. पेपर फुटीसंदर्भात तिला माहिती होती. सुमनकुमारी व वीरेंद्र गुप्ता यांनी टीईटीच्या प्रश्नपत्रिका आणखी कोणाला विकल्या याचा तपास पोलिसांकडून केला जात आहे.
दरम्यान, सुमन कुमारी हिला मुंबईत आणून भिवंडी न्यायालयात हजर करण्यात आले आहे. न्यायालयातील युक्तिवादानंतर सुमन कुमारी हिला सहा जुलैपर्यंत पोलीस कोठडी सुनावण्यात आली आहे.
