यूपीएससी मेन्स २०२६ चे वेळापत्रक जाहीर; 'या' तारखेपासून सुरू होणार परीक्षा

एज्युवार्ता न्यूज नेटवर्क 

यूपीएससी (UPSC) सिव्हिल सर्व्हिसेस मुख्य परीक्षा २०२६ (Civil Services Main Examination 2026) ची तयारी करणाऱ्या लाखो उमेदवारांसाठी (Lakhs of candidates)  आनंदाची बातमी समोर आली आहे. लोकसेवा आयोगाने (Public Service Commission) मुख्य परीक्षेच्या तारखांची अधिकृत घोषणा (Official Date Announcement) केली असून ही परीक्षा २१ ऑगस्ट ते ३० ऑगस्ट २०२६ या कालावधीत आयोजित केली जाणार आहे. प्रीलिम्स उत्तीर्ण झालेल्या उमेदवारांसाठी आता मुख्य परीक्षेची तयारी  (Main Exam Preparation) अधिक जलद करण्याची वेळ आली आहे. 

मिळालेल्या माहितीनुसार, मुख्य परीक्षेचे ॲडमिट कार्ड पुढील आठवड्यात जारी केले जाण्याची शक्यता आहे. म्हणजेच परीक्षा सुरू होण्याच्या साधारण एक ते दोन आठवडे आधी हे कार्ड उपलब्ध होईल. फक्त प्रीलिम्स परीक्षेत यशस्वी झालेले उमेदवारच हे ॲडमिट कार्ड डाउनलोड करू शकतील. त्यामुळे सर्व पात्र उमेदवारांनी आयोगाची अधिकृत वेबसाइट upsc.gov.in किंवा upsconline.nic.in नियमितपणे तपासावी, जेणेकरून कार्ड जारी होताच ते वेळेवर मिळवता येईल.

ॲडमिट कार्ड डाउनलोड केल्यानंतर त्यावरील सर्व तपशील काळजीपूर्वक तपासणे. नाव, फोटो, रोल नंबर, परीक्षा केंद्र आणि परीक्षेच्या तारखा यांची खातरजमा करावी. कोणतीही चूक आढळल्यास त्वरित आयोगाशी संपर्क साधावा, जेणेकरून परीक्षेपूर्वी ती दुरुस्त करता येईल. चुकीच्या माहितीमुळे परीक्षेत प्रवेश नाकारला जाण्याची शक्यता टाळण्यासाठी ही खबरदारी घेणे गरजेचे आहे.

परीक्षेच्या दिवशी उमेदवारांनी ॲडमिट कार्डची स्पष्ट प्रिंट कॉपी आणि एक वैध ओरिजिनल फोटो ओळखपत्र (जसे की मतदार ओळखपत्र, पासपोर्ट किंवा इतर मान्य ओळखपत्र) अनिवार्यपणे सोबत नेणे आवश्यक आहे. या दोन्ही कागदपत्रांशिवाय परीक्षा हॉलमध्ये प्रवेश मिळणार नाही. तसेच, उमेदवारांनी परीक्षा केंद्रावर रिपोर्टिंग टाइमच्या किमान एक तास आधी पोहोचावे. यामुळे शेवटच्या क्षणी होणारी गर्दी, तपासणी आणि अनावश्यक तणाव टाळता येईल.

एकूणच, यूपीएससी मेन्स २०२६ ची तयारी करणाऱ्या उमेदवारांनी अभ्यास तर करावाच, पण प्रशासकीय बाबींचीही पूर्ण काळजी घ्यावी. ॲडमिट कार्ड वेळेवर डाउनलोड करणे, माहिती तपासणे आणि परीक्षेच्या दिवशी आवश्यक कागदपत्रे व वेळेचे पालन करणे. यामुळे ऐनवेळेस परेशानी होणार नाही.