पेपरफुटी प्रकरणात ट्विस्ट! प्रश्नपत्रिकेच्या नावाखाली नर्सिंगचा विद्यार्थ्याने उकळले पैसे, पोलीस तपासात उघड

एज्युवार्ता न्यूज नेटवर्क 

दहावी पेपरफुटी प्रकरणात नवीन ट्विस्ट आला आहे. दहावीचा गणिताचा कोणताही पेपर फुटला (10th Class Paper Leak Scandal) नसल्याचे पोलीस तपासात समोर आले आहे. मात्र, प्रश्नपत्रिका उपलब्ध करून देतो, या नावाखाली प्रती विद्यार्थी ६०० रुपये उकळल्याचे (Of swindling ₹600) समोर आले आहे. या प्रकरणी नर्सिंगचे शिक्षण घेत असलेल्या १८ वर्षीय चैतन्य शेंडे या विद्यार्थ्याला पुणे शिवाजीनगर पोलिसांनी चंद्रपूरहून अटक केली आहे. परीक्षेच्या आधी बोर्डाची प्रश्नपत्रिका उपलब्ध करून देतो म्हणत टेलिग्रामद्वारे पैसे उकळण्यासाठी चैतन्य शेंडे ( Chaitanya Shende) याने बनाव केल्याचे पोलिस तपासात निष्पन्न (Revealed in Police Investigation) झाले आहे. 

टेलिग्रामवर दहावी गणित भाग एक आणि दोनचा पेपर फुटल्याच संशय शिक्षण मंडळाला आल्याने शिक्षण विभागाकडून शिवाजीनगर पोलीस ठाण्यात तक्रार दाखल केली होती. या तक्रारीवरून टेलिग्राम ग्रुपच्या एडमिनवर आणि सदस्यांवर गुन्हा दाखल करण्यात आला होता. या सगळ्याचा शोध घेण्यासाठी शिवाजीनगर पोलीसांनी आरोपीचा शोध घ्यायला सुरुवात केली. आरोपी चंद्रपुरात असल्याची माहिती मिळताच सगळे पोलीस चंद्रपुरात दाखल झाले आणि तिथून चैतन्यला अटक केली.

आरोपी असलेल्या चैतन्य याने टेलिग्रामचा वापर करून फाईलमध्ये फेरफार करण्याचे स्टाईल वापरून पेपर फुटीबाबत बनाव तयार केला होता. चैतन्य हा टेलिग्रामवर परीक्षेच्या आदल्या दिवशी एक पीडीएफ अपलोड करायचा ज्याला पासवर्ड असायचा. माझ्याकडे दहावीचा पेपर मिळेल असा मेसेज तो टेलिग्राम ग्रुपवर टाकायचा. ज्यांना पेपर हवेत त्यांनी ६०० रुपये पाठवा, असा मेसेज देखील तो ग्रुप वर टाकायचा. त्यानंतर पेपर मिळेल या हेतूने अनेक जण सहाशे रुपये भरायचे. 

मात्र, सहाशे रुपये प्राप्त झाल्यावर हा चैतन्य त्यांचा नंबर ब्लॉक करायचा. ज्या दिवशी हा पेपर संपायचा त्याच दिवशी संध्याकाळी पीडीएफ चैतन्य एडिट करायचा आणि त्यात त्या दिवशी झालेला पेपर अपलोड करायचा. आणि सगळ्यांना हाच पेपर देत असल्याचा भासवत असल्याची कबुली आरोपी विद्यार्थ्यांने दिली आहे. चैतन्य हा नर्सिंगच्या दुसऱ्या वर्षाचा विद्यार्थी असून तो चंद्रपूर शहरातला रहिवासी आहे.