राष्ट्रीय शिक्षक पुरस्कार २०२५ साठी स्व-नामांकन प्रक्रिया सुरू

एज्युवार्ता न्यूज नेटवर्क 

केंद्रीय माध्यमिक शिक्षण मंडळाने (CBSE) राष्ट्रीय शिक्षक पुरस्कार २०२५ साठी (National Teacher Award 2025) स्व-नामांकन प्रक्रिया (Self-nomination process) सुरू केली आहे. CBSE-संलग्न खाजगी स्वतंत्र शाळांमधील शिक्षक आणि मुख्याध्यापक (Teachers and principals) अधिकृत पोर्टलद्वारे या प्रतिष्ठित मान्यतेसाठी अर्ज करण्यास पात्र आहेत.

कोण अर्ज करू शकतं? 

पात्र शिक्षकांनी ३१ मार्च २०२५ पर्यंत मान्यताप्राप्त शालेय शिक्षण मंडळाशी संलग्न शाळांमध्ये किमान १० वर्षे सतत सेवा पूर्ण केलेली असावी. तसेच मुख्याध्यापकांसाठी, पात्रतेसाठी त्याच तारखेपर्यंत शिक्षक म्हणून १० वर्षे आणि सीबीएसई-संलग्न संस्थांमध्ये ५ वर्षे प्राचार्य म्हणून सेवा करणे आवश्यक आहे. ३१ मार्च २०२५ रोजी किंवा त्यानंतर निवृत्त होणारे देखील अर्ज करू शकतात. तथापि, मुख्याध्यापकांना शिक्षक श्रेणी अंतर्गत अर्ज करण्याची परवानगी नाही आणि अर्जदार फक्त एकाच श्रेणी अंतर्गत अर्ज करू शकतात.

उमेदवारांना अर्ज फक्त सीबीएसईच्या https://cbseit.in/cbse/2025/tchawrd/index.aspx या वेबसाइटद्वारे ऑनलाइन पद्धतीने सादर करावे लागणार आहे. अर्ज सादर करण्याची अंतिम तारीख ६ जुलै २०२५ पर्यंत असणार आहे.

अर्जदारांनी सबमिट केलेल्या सर्व माहितीची सत्यता पुष्टी करणारे घोषणापत्र, शाळा व्यवस्थापकाने स्वाक्षरी केलेले शिफारस पत्र आणि सेवा प्रमाणपत्रे, इयत्ता १० वी ते पदव्युत्तर पदवीपर्यंतच्या प्रमाणपत्रांसह शैक्षणिक कागदपत्रे,बोर्ड किंवा शालेय स्तरावरील परीक्षांचे निकाल ही सर्व कागदपत्रे पीडीएफ स्वरूपात, १ एमबी आकारापेक्षा कमी आकाराची असावीत आणि शाळा प्रमुख (शिक्षकांसाठी) किंवा शाळा व्यवस्थापक (मुख्याध्यापकांसाठी) यांनी योग्यरित्या सत्यापित केलेली असावीत.

सीबीएसई सेवा कालावधी, पात्रता, वय आणि परीक्षेतील कामगिरी यासारख्या निकषांवर आधारित अर्जांचे मूल्यांकन करण्यात येणार आहे. त्यानंतर गुणवत्ता यादी तयार केली जाईल आणि पहिल्या २४ उमेदवारांची निवड केली जाईल. समानता आढळल्यास, अतिरिक्त निकष लागू केले जाऊ शकतात. शॉर्टलिस्ट केलेल्या अर्जदारांना सत्यापित कागदपत्रे अपलोड करण्यासाठी दोन दिवसांचा कालावधी असेल. राष्ट्रीय पातळीवरील छाननी समितीद्वारे आयोजित संवाद फेरीनंतर अंतिम निवड केली जाईल, जी सहा पुरस्कार विजेत्यांची निवड करेल.

दरम्यान, सीबीएससीमार्फत संस्था प्रमुखांना सदर माहिती पात्र कर्मचाऱ्यांमध्ये मोठ्या प्रमाणात प्रसारित करण्याचा तसेच वेळेत अर्ज सादर करण्याचे आवाहन करण्यात आले आहे.