CET-CELL : खाजगी विद्यापीठाच्या दबावामुळे इंजिअरिंग, एमबीए प्रवेश प्रक्रियेला विलंब

एज्युवार्ता न्यूज नेटवर्क

खाजगी विद्यापीठाच्या दबावामुळे सीईटी- सेलकडून (cet- cell) अभियांत्रिकी व व्यवस्थापन अभ्यासक्रमांच्या (Engineering and management courses) केंद्रीभूत प्रवेश प्रक्रियेस  (Due to pressure from private universities for centralized admission process) सीईटी सेल जाणीवपूर्वक  (cet cell) दिरंगाई केली जात आहे, असा आरोप युवासेनेचे सहसचिव कल्पेश यादव (Kalpesh Yadav, Joint Secretary of Yuva Sena) यांनी केला आहे. तसेच ही बाब निवेदनाद्वारे उच्च व तंत्र शिक्षण मंत्रालयाच्या (Ministry of Higher and Technical Education) निदर्शनास आणून दिली आहे. त्याचप्रमाणे राज्यातील व्यावसायिक अभ्यासक्रमाच्या महाविद्यालयांचा मॅनेजमेंट कोटा तसेच एनआरआय कोट्यातील प्रवेश प्रक्रिया पारदर्शी ठेवण्याची आग्रही मागणी देखील केली आहे.

 दोन दिवसामध्ये प्रवेश प्रक्रियेचे वेळापत्रक सीईटी सेलकडून जाहीर करावे. तसेच खाजगी महाविद्यालयांच्या मॅनेजमेंट कोटा,एनआरआय कोटा तसेच खाजगी विद्यापीठाच्या अनियमीतते विरोधातील मोहीम मागच्या वर्षीच्या तुलनेत अधिक तीव्र केली जाईल, असा इशाराही यादव यांनी दिला आहे.

व्यावसायिक अभ्यासक्रमांचे प्रवेश प्रक्रिया पारदर्शक होण्यासाठी युवासेनेच्या मागण्या पुढीलप्रमाणे

अनिवासी भारतीय कोट्यामधील (एनआरआय) प्रवेश प्रक्रियेमध्ये सहभागी होण्यासाठीचे निकष प्रसिद्ध करताना, प्रवेश प्रक्रियेत सहभागी होऊ इच्छिणारे विद्यार्थ्यांना त्यांना स्पॉन्सर करणाऱ्या रक्ताच्या नातेवाईकांच्या अनिवासी भारतीय बँक खात्यामधून सर्वोच्च न्यायालयाच्या निर्देशाप्रमाणे पाचपट शुल्क पूर्ती रक्कम ट्रान्स्फर करणे अनिवार्य असल्याचे कळविणे अपेक्षित आहे. त्याप्रमाणे सीईटी सेलकडून प्रसिद्ध होणाऱ्या माहिती पुस्तिका तसेच कागदपत्रांच्या निकषांमध्ये ही बाब समाविष्ट करण्याच्या सूचना सीईटी सेलला द्याव्या. त्यामुळे या कोट्यामध्ये आर्थिक गैरव्यवहार करता येणे शक्य होणार नाही.

चालू शैक्षणिक वर्षाच्या प्रवेश प्रक्रियेत संस्था स्तरावरील प्रवेश प्रक्रियेत आर्थिक गैरव्यवहार करणाऱ्या महाविद्यालयांच्या विरोधात सबळ पुरावे दिल्यानंतर, त्या पुराव्याच्या अनुषंगाने सीईटी सेल तसेच प्रवेश नियामक प्राधिकरण (एआरए) कार्यालयाला कायदेशीर कारवाई करण्याच्या सूचना देण्यात याव्यात. पुरावे असतानाही कारवाई न केल्यास, सबंधित अधिकाऱ्यावर कारवाई होणे अपेक्षित आहे.तसे न झाल्यास युवा सेनेच्या रोषाला सामोरे जावे लागेल.

खाजगी आणि अभिमत विद्यापीठांची प्रवेश प्रक्रिया ही सीईटी सेलच्या माध्यमातून राबविण्याबाबत धोरणात्मक निर्णय घेण्यात आला पाहिजे. किंवा सीईटी सेलच्या गुणांच्या आधारे ही प्रवेश प्रक्रिया व्हावी. त्यामुळे विद्यार्थी आणि पालकांचे पैसे वाचतील या विद्यापीठाकडून घेण्यात येणाऱ्या 'पेरा' सारख्या सीईटी परीक्षा नावालाच असल्याचे निदर्शनास येते. या खाजगी विद्यापीठांकडून अनेकदा कोणतीही प्रवेश परीक्षा न घेता, थेट विद्यार्थ्यांना प्रवेश देण्यात येत आहे, त्यामुळे प्रवेश प्रक्रियेच्या नियमांचे उल्लंघन होत आहे. अशा विविध मागण्या युवसेनेने पत्राद्वारे केल्या आहेत.